Latest NewsIndia

ഭര്‍ത്താവറിയാതെ യുവതി രണ്ടുമാസം പ്രായമായ കുഞ്ഞിനെ വിറ്റു

ഹൈദരാബാദ് : ഭര്‍ത്താവറിയാതെ യുവതി രണ്ടുമാസം പ്രായമായ കുഞ്ഞിനെ വിറ്റു. തെലങ്കാനയിലെ സെക്കന്തരാബാദിലാണ് സംഭവം. ഭര്‍ത്താവിന്റെ പരാതിയില്‍ യുവതിയെ പോലീസ് അറസ്റ്റ് ചെയ്തിട്ടുണ്ട്. തുക്കാരാംഗേറ്റില്‍ താമസിക്കുന്ന കവിത എന്ന 21 കാരിയായ യുവതിയാണ് സ്വന്തം കുഞ്ഞിനെ മറ്റൊരു ദമ്പതികള്‍ക്ക് വിറ്റത്. പരാതിയെ തുടര്‍ന്ന് പോലീസ് നടത്തിയ അന്വേഷണത്തില്‍ കുഞ്ഞിനെ പിന്നീട് കണ്ടെത്തുകയും ചെയ്തു.

ഭര്‍ത്താവിന്റെ ഭര്‍ത്താവിന്റെ അമിതമായ മദ്യപാനം കാരണം പൊറുതിമുട്ടിയതിനെ തുടര്‍ന്നാണ് കുഞ്ഞിനെ വില്‍ക്കാന്‍ തീരുമാനിച്ചതെന്നാണ് കവിത പോലീസിനോട് പറഞ്ഞു. കുഞ്ഞിനെ ഉപേക്ഷിക്കാനായാണ് കവിത സെക്കന്തരാബാദ് റെയില്‍വേ സ്റ്റേഷനിലെത്തിയത്. ഇവിടെവെച്ച് കവിതയെ ശ്രദ്ധിച്ച സുമലത എന്ന സ്്ത്രീയാണ് കുഞ്ഞിനെ തെരുവില്‍ ഉപേക്ഷിക്കേണ്ടെന്നും, മറ്റൊരാള്‍ക്ക് വില്‍ക്കാമെന്നും നിര്‍ദേശിച്ചത്. സുമലതയുടെ നിര്‍ദേശപ്രകാരമാണ് മഞ്ചേരിയാലിലെ കുട്ടികളില്ലാത്ത അദ്ധ്യാപക ദമ്പതികള്‍ക്ക് കുഞ്ഞിനെ വില്‍ക്കാന്‍ തീരുമാനിച്ചത്.

കുഞ്ഞിനെ നല്‍കിയതിന് പകരം ഇവര്‍ പതിനായിരു രൂപയും കവിതയ്ക്ക് നല്‍കി. പിന്നീട് വീട്ടിലെത്തിയ കവിതയോട് ഭര്‍ത്താവ് രാജു കുഞ്ഞിനെക്കുറിച്ച് ചോദിച്ചപ്പോഴാണ്, കുഞ്ഞിനെ വിറ്റ കാര്യം കവിത പറഞ്ഞത്. ഉടന്‍ തന്നെ രാജു പോലീസില്‍ പരാതി നല്‍കുകയായിരുന്നു. രാജുവിന്റെ ഭാര്യ കവിത, ഇടനിലക്കാരിയായ സുമലത, അദ്ധ്യാപക ദമ്പതികള്‍ എന്നിവരെ പോലീസ് അറസ്റ്റ് ചെയ്തിട്ടുണ്ട്. രണ്ടുമാസം പ്രായമായ കുഞ്ഞിനെ ശിശുഗൃഹത്തില്‍ പ്രവേശിപ്പിച്ചിരിക്കുകയാണ്.

shortlink

Related Articles

Post Your Comments

Related Articles


Back to top button