പാസ്പോർട്ട് നഷ്ടപ്പെട്ടു: നാട്ടിലേക്ക് യാത്രതിരിച്ച മലയാളി യുവാവ് ദുബായ് വിമാനത്താവളത്തിൽ കുടുങ്ങി

ബഹ്‌റൈൻ: ബഹ്‌റൈനിൽ നിന്ന് നാട്ടിലേക്ക് പുറപ്പെട്ട മലയാളി പാസ്പോർട്ട് നഷ്ടപ്പെട്ടത് മൂലം മലയാളി ദുബായ് വിമാനത്താവളത്തിൽ കുടുങ്ങി. മലപ്പുറം വെളിയങ്കോട് സ്വദേശി യൂസഫ് ആണ് മൂന്ന് ദിവസമായി ദുബായ് എമിഗ്രെഷൻ അധികൃതരുടെ പിടിയിൽ കഴിയുന്നത്. ഏപ്രിൽ 18 ചൊവാഴ്ച വൈകീട്ട് 6.30 നുള്ള ഫ്ളൈ ദുബായ് വിമാനത്തിലാണ് യൂസഫ് നാട്ടിലേയ്ക്ക് പുറപ്പെട്ടത്. ദുബായ് വിമാനത്താവളത്തിൽ നിന്ന് അടുത്ത വിമാനത്തിൽ മാറിക്കയറുന്നതിനായി എമിഗ്രെഷൻ പരിശോധനാ കൗണ്ടറിൽ എത്തിയപ്പോഴാണ് തന്റെ പാസ്പോർട്ട് നഷ്ടപ്പെട്ടതായി യൂസഫ് അറിയുന്നത്.