രണ്ടാം മത്സരത്തിൽ ഗോൾ മഴ തീർത്ത് സ്പെയിൻ ; സമനിലയിൽ മുങ്ങി കോസ്റ്റോറിക്ക ഗിനി

കൊച്ചി ; കൊച്ചിയിൽ നടന്ന ഗ്രൂപ്പ് ഡി വിഭാഗത്തിലെ രണ്ടാം മത്സരത്തിൽ ഗോൾ മഴ തീർത്ത് സ്പെയിൻ. എ​തി​രി​ല്ലാ​ത്ത നാ​ലു ഗോ​ളു​ക​ൾ​ക്കാണ് നൈ​ജ​റി​നെ സ്പെയിൻ പരാജയപ്പെടുത്തിയത്. ആ​ദ്യ പ​കു​തി​യി​ൽ മൂ​ന്നും ര​ണ്ടാം പ​കു​തി​യി​ൽ ഒ​രു ഗോ​ളും നേടിയാണ് സ്പെയിൻ ദുർബലരായ എതിരാളികളെ തകർത്തത്.

21 ാം മി​നി​റ്റി​ലും 41 ാം മി​നി​റ്റി​ൽ ഇരട്ട ഗോൾ നേടിയ ബാ​ഴ്സി​ലോ​ണ യൂ​ത്ത് താ​ര​വും നാ​യ​ക​നു​മാ​യ ഏ​ബ​ൽ റൂ​യി​സാണ് സ്പെയിനിന്റെ ആദ്യ ജയത്തിലേക്കുള്ള വാതിൽ തുറന്നത്. ശേഷം സെ​സാ​ർ ഗെ​ലാ​ബ​ർ​ട്ടിലും സെ​ർ​ജി​യോ ഗോ​മസം ഗോൾ നേടിയതോടെ സ്പെയിൻ വിജയം ഉറപ്പിച്ചു.

അതെ സമയം ഗ്രുപ്പ് സി വിഭാഗത്തിൽ നടന്ന ഗിനിയ-കോസ്റ്റോറിക്ക മത്സരം 2-2 എന്ന ഗോളുകൾക്ക് സമനിലയില്‍ അവസാനിച്ചു. ജാര്‍ക്വൻ, ആന്‍ഡ്രസ് ഗോമസ് എന്നിവർ കോസ്റ്റോറിക്കായി ഗോൾ നേടിയപ്പോൾ ടുറേ,ഇബ്രഹിം സോറി എന്നിവർ ഗിനിയക്കായി ഗോളുകൾ സ്വന്തമാക്കി.