ടൈറ്റാനിക്​ കപ്പല്‍ ദുരന്തത്തില്‍ മരിച്ചയാളുടെ കത്ത് ലേലത്തില്‍ പോയത് റെക്കോർഡ് തുകയ്ക്ക്

ലണ്ടന്‍: ടൈറ്റാനിക്​ കപ്പല്‍ ദുരന്തത്തില്‍ മരിച്ചയാളുടെ കത്ത്​ ലേലത്തില്‍ വിറ്റു. 1,08,04,110​ രൂപക്കാണ്​(166,000 ഡോളര്‍) കത്ത്​ ലേലത്തില്‍ വിറ്റത്​. കപ്പല്‍ ദുരന്തത്തി​​​​ന്റെ അവശേഷിപ്പുകളില്‍ ഏറ്റവും ഉയര്‍ന്ന തുകക്ക്​ വിറ്റു പോയതും ഇൗ കത്താണ്​.

ഫസ്​റ്റ്​ ക്ലാസ്​ യാത്രക്കാരനായ അലക്​സാണ്ടര്‍ ഒസ്​കര്‍ ഹോള്‍വേഴ്​സണ്‍ മാതാവിന്​ എഴുതിയ കത്താണിത്​. രാജകീയ കപ്പലിനെയും കപ്പലിലെ ഭക്ഷണത്തെയും സംഗീതത്തെയും കുറിച്ചാണ് കത്തിൽ പറയുന്നത്.കപ്പലി​ലെ പ്രശസ്​തരായ യാത്രികര്‍ക്കെപ്പമുള്ള അനുഭവങ്ങളും കത്തില്‍ വിവരിക്കുന്നു. എല്ലാം നന്നായി നടക്കുകയാണെങ്കില്‍ ബുധനാഴ്​ച രാവിലെ ന്യൂയോര്‍ക്കിലെത്തുമെന്ന്​ 1912 ഏപ്രില്‍ 13ന്​ എഴുതിയ കത്തില്‍ പറയുന്നുണ്ട്​​.

കപ്പല്‍ ദുരന്തത്തി​​​​ന്റെ ബാക്കിപത്രമായി അറിയപ്പെടുന്ന അവസാനത്തെ വസ്​തുവാണ്​ ഹോള്‍വേഴ്​സണി​​​​ന്റെ ഇൗ കത്ത്​​. അത്​ലാന്‍റിക്​ സമുദ്രത്തില്‍ നിന്ന്​ കണ്ടെടുത്ത ഹോഴ്​സണി​​​​ന്റെ മൃതദേഹത്തില്‍ നിന്ന്​ ലഭിച്ച കത്തി​​​​ന്റെ പലഭാഗത്തും മഷി പടര്‍ന്നിട്ടുണ്ട്​. ഹോള്‍വേഴ്​സണി​​​​ന്റെ കുടുംബാംഗങ്ങളായ ഹെന്‍ട്രി അല്‍ഡ്രിഡ്​ജും മകനുമാണ്​ ലേലം നടത്തിയത്.