‘എന്നെ വിവാഹം കഴിക്കാൻ ആരും വരില്ല എന്നൊരു തെറ്റിദ്ധാരണയുണ്ടായിരുന്നു’ വൈക്കം വിജയലക്ഷ്മി വിവാഹവിശേഷങ്ങള്‍ പങ്കുവെയ്ക്കുന്നു

“എന്നെ വിവാഹം കഴിക്കാൻ ആരും വരില്ല എന്നൊരു തെറ്റിദ്ധാരണയും വിഷമവും ഉണ്ടായിരുന്നു. ചേട്ടന് ഒരു ചായയിട്ടു കൊടുക്കാനോ ഭക്ഷണമുണ്ടാക്കിക്കൊടുക്കാനോ ഒന്നും എനിക്ക് പറ്റില്ലല്ലോ എന്നാലോചിക്കുമ്പോഴേ ഇപ്പോളെനിക്ക് സങ്കടമുള്ളൂ. എത്രയോ പേരുടെ പ്രാർഥനയുടെ ഫലമാണീ സ്വപ്നസാഫല്യം. എന്റെ നന്മ ആഗ്രഹിച്ചവരിൽ പ്രധാന ആളാണ് പെരിങ്ങോട് ശങ്കരനാരായണൻ തിരുമേനി.
സിനിമയിൽ പാടുമെന്നും സംസ്ഥാന അവാർഡ് കിട്ടുമെന്നും മുപ്പത്തഞ്ചാം വയസ്സിൽ മംഗല്യഭാഗ്യമുണ്ടാകുമെന്നും അദ്ദേഹം പ്രവചിച്ചിരുന്നു. കാഴ്ച കിട്ടുമെന്നും പറഞ്ഞിരുന്നു. അതുകൂടി സത്യമായാൽ ചേട്ടന്റെ മുഖമൊന്ന് കാണാല്ലോ” വികാരനിര്‍ഭരമായ വാക്കുകളോടെ വിജയലക്ഷ്മി പറയുന്നു.