CinemaGeneralIndian CinemaLatest NewsMollywoodNEWSNostalgiaWOODs

ആ മോഹന്‍ലാല്‍ ചിത്രത്തിന്‍റെ ക്ലൈമാക്സ് കൊള്ളില്ലയെന്ന് നിര്‍മ്മാതാവിനോട്‌ മമ്മൂട്ടി..!

ഇന്ത്യന്‍ സിനിമയുടെ അഭിമാനമായ സംവിധായകന്‍ ആണ് മണിരത്നം. ഇപ്പോള്‍ തമിഴ്, ഹിന്ദി സിനിമകളില്‍ ശ്രദ്ധ പതിപ്പിച്ചിരിക്കുന്ന മണിരത്നം തുടക്ക കാലത്ത് സംവിധാനം ചെയ്തത് ഒരു മലയാള ചിത്രമായിരുന്നു. മോഹന്‍ലാല്‍ നായകനായി മണിരത്നം ഒരുക്കിയ ചിത്രമായിരുന്നു ഉണരൂ. സുകുമാരന്‍, മോഹന്‍ലാല്‍, രതീഷ് എന്നിവര്‍ കേന്ദ്ര കഥാപാത്രമായി എത്തിയ ചിത്രം വന്‍ പരാജയമായിരുന്നു.

1984 ഏപ്രില്‍ 14നായിരുന്നു ചിത്രം റിലീസ് ചെയ്തത്. റിലീസ് ദിവസം തന്നെ ചിത്രം മമ്മൂട്ടി കണ്ടു. കണ്ടയുടന്‍ ചിത്രത്തിന്റെ നിര്‍മാതാവ് ജിയോ കുട്ടപ്പനെ മമ്മൂട്ടി വിളിക്കുകയുണ്ടായി. മമ്മൂട്ടി ഒരേയൊരു കാര്യം മാത്രമായിരുന്നു പറയാന്‍ ഉണ്ടായിരുന്നത്.

‘കുട്ടപ്പന്‍ ചേട്ടന്‍ ഇന്നുതന്നെ ചിത്രത്തിന്റെ പ്രദര്‍ശനം നിര്‍ത്തണം. ക്ലൈമാക്സ് കൊള്ളില്ല. രണ്ടോ മൂന്നോ ദിവസം കൊണ്ട് ക്ലൈമാക്സ് മാറ്റി ചിത്രീകരിക്കാം. അങ്ങനെയെങ്കില്‍ ചിത്രം സൂപ്പര്‍ഹിറ്റാകും. ചേട്ടന്റെ കയ്യില്‍ പണമില്ലെങ്കില്‍ ഒരു ലക്ഷം രൂപ ഞാന്‍ തരാം’ – എന്നായിരുന്നു മമ്മൂട്ടി നിര്‍മാതാവിനോട് പറഞ്ഞത്.

എന്നാല്‍, അന്നത്തെ കാലത്ത് അത്തരമൊരു പരീക്ഷണം നടക്കില്ലെന്ന് പറഞ്ഞ് നിര്‍മാതാവ് മമ്മൂട്ടിയുടെ ഈ അഭ്യര്‍ത്ഥന നിരസിച്ചുവെന്നു ഒരു സിനിമാ വാരിക റിപ്പോര്‍ട്ട് ചെയ്യുന്നു

shortlink

Related Articles

Post Your Comments


Back to top button