ബന്ധു നിയമനങ്ങളെ രൂക്ഷമായി വിമര്‍ശിച്ച് കെ. സുരേന്ദ്രൻ

ശൈലജ ടീച്ചർക്ക് ഒരു മകനേ ഉള്ളൂവെന്നത് വലിയ കഷ്ടമായിപ്പോയി. രണ്ടുണ്ടായിരുന്നെങ്കിൽ നാലു പദവി കിട്ടുമായിരുന്നു. ഞാൻ കരുതിയത് ടീച്ചർ ഈ വകുപ്പിൽ പെടാത്ത ജനുസ്സാണെന്നായിരുന്നു. പദവി കിട്ടാത്ത ഏതെങ്കിലും നേതാക്കളുടെ പേരുണ്ടോ എന്ന് ഇത്ര നേരം പരതിയിട്ടും കിട്ടിയില്ല. കൂത്തുപറമ്പിൽ ജീവഛവമായി കിടക്കുന്ന ഒരു പുഷ്പനുണ്ട്. പണ്ടു കൂത്തുപറമ്പ് വെടിവെപ്പിൽ വെടിയേററ് ചലനശേഷി നഷ്ടപ്പെട്ടു കഴിയുന്ന ഒരു സഖാവ്. കേന്ദ്രക്കമ്മിറ്റിക്കാരെ ഉദ്ദേശിച്ചല്ല ഞാനിതു പറയുന്നത്. എം ബി രാജേഷിനെയും സ്വരാജിനേയും ഓർമ്മിപ്പിച്ചതാണ്. രണ്ടായിരത്തിലധികം നിയമനങ്ങളിൽ ഒരെണ്ണം അയാളുടെ കുടുംബത്തിനു കൊടുക്കാമായിരുന്നില്ലേ കൊടും വഞ്ചകരേ….. ചൗഷസ്ക്യൂവിന്രെ ഗതിയായിരിക്കും കേരളത്തിലെ നേതാക്കൾക്കു വരാൻ പോകുന്നത്.