സൂറിച്ച് : മെസ്സിയുടെ വിലക്കിൽ ഇളവ് നൽകി ഫിഫ. നാലു മത്സരങ്ങളിൽനിന്നുള്ള വിലക്കാണ് ഫിഫ ഒഴിവാക്കിയത്. നടപടിയുടെ ഭാഗമായ 7,800 യൂറോ പിഴയും പിന് വലിച്ചു. ഇതോടെ അർജന്റീനയുടെ ലോകകപ്പ് പ്രതീക്ഷകൾക്ക് ഫിഫയുടെ ഈ നടപടി കൂടുതൽ ശക്തി നൽകി. വിലക്ക് നീങ്ങിയതോടെ ലോകകപ്പ് യോഗ്യതാ ഫുട്ബോളില് അര്ജന്റീനയുടെ ശേഷിക്കുന്ന നാലു മത്സരങ്ങളില് മെസിക്ക് കളിക്കാനാവും.
ലോകകപ്പ് യോഗ്യതാ റൗണ്ടില് ചിലിക്കെതിരേ നടന്ന മത്സരത്തില് ലൈന് റഫറിക്കെതിരെ തട്ടിക്കയറിയതിനെ തുടർന്നാണ് ഫിഫ മെസ്സിക്ക് വിലക്കേർപ്പെടുത്തിയിരുന്നത്. തുടർന്ന് അര്ജന്റീന ഫുട്ബോള് അസോസിയേഷന്റെ അപ്പീല് പരിഗണിച്ച് ഫിഫ അച്ചടക്ക നടപടിയില് ഇളവ് നല്കുകയായിരുന്നു. മെസിയുടെ നിരപരാധിത്വം തെളിയിക്കാൻ മത്സരത്തിന്റെ വീഡിയോ ദൃശ്യങ്ങളും അസോസിയേഷന് ഹാജരാക്കിയിരുന്നു.
Post Your Comments