കുവൈത്ത് സിറ്റി•വിദേശികള്ക്ക് ഡ്രൈവിംഗ് ലൈസന്സ് അനുവദിക്കുന്നത് പുനപ്പരിശോധിക്കണമെന്ന് പാര്ലമെന്ററി സമിതിയുടെ നിര്ദ്ദേശം. രാജ്യത്ത് ഗതാഗതക്കുരുക്ക് രൂക്ഷമാകുന്ന സാഹചര്യത്തിലാണ് നിര്ദ്ദേശം. വിദേശികൾക്ക് വാഹനങ്ങൾ സ്വന്തമാക്കാനും ലൈസൻസ് എടുക്കാനുമുള്ള നടപടിക്രമങ്ങൾ കഠിനമാക്കേണ്ടതുണ്ടെന്ന് സമിതി അംഗം എം.പി. ഖലീൽ അൽ സാലിഹ് പറഞ്ഞു.
നിലവിലെ ബസ് സർവിസുകൾക്ക് പകരം പബ്ലിക് ട്രാൻസ്പോർട്ട് കമ്പനികൾക്കിടയിൽ ഏകീകരണം വരുത്തണമെന്നും വ്യത്യസ്ത കമ്പനികളുടെ ബസുകൾ ഒരേസമയം ഓടുന്നത് റോഡിലെ തിരക്കിന് ആക്കം കൂട്ടുന്നുണ്ടെന്നും സമിതിയുടെ പഠന റിപ്പോര്ട്ട് പറയുന്നു.
ഓഫിസുകളുടെ പ്രവർത്തന സമയത്തിലും മാറ്റം വരുത്തണം. നിലവിലെ ഏഴ് മണിക്ക് പകരം സർക്കാർ വകുപ്പുകൾ ഒമ്പത് മണിക്ക് പ്രവർത്തനം ആരംഭിക്കുകയും വൈകീട്ട് അഞ്ച് മണിക്ക് അവസാനിപ്പിക്കുകയും ചെയ്യണം. അതോടൊപ്പം വിദ്യാഭ്യാസ സ്ഥാപനങ്ങളുടെ പ്രവർത്തന സമയം നിലവിലേതുപോലെ തുടരുകയും ചെയ്താൽ റോഡിലെ തിരക്ക് കുറയുമെന്നാണ് കണക്ക് കൂട്ടൽ. സർക്കാർ ഓഫിസുകളുടെ പ്രവൃത്തി സമയത്തിൽ മാറ്റം ആവശ്യപ്പെട്ട് പാര്ലമെന്റില് കരട് നിർദേശം സമർപ്പിക്കുമെന്ന് ഖലീൽ അൽ സാലിഹ് വ്യക്തമാക്കി.
Post Your Comments