കിംഗ്സ്റ്റണ്: ഇന്ത്യൻ ക്രിക്കറ്റ് ടീം നായകനായ വിരാട് കോഹ്ലി സച്ചിൻ ടെണ്ടുൽക്കറുടെ പേരിലുള്ള മറ്റൊരു റിക്കാർഡ് കൂടി സ്വന്തമാക്കി. ഏകദിനത്തിൽ റൺസ് പിന്തുടരുന്നതിനുള്ള മികവാണ് കോഹ്ലിയെ റിക്കോർഡ് സ്വന്തമാക്കാൻ സഹായിച്ചത്. മറുപടി ബാറ്റിംഗിൽ ഏറ്റവും കൂടുതല് സെഞ്ചുറിയെന്ന ഏകദിനത്തിലെ സച്ചിന്റെ റിക്കാർഡാണ് കോഹ്ലി സ്വന്തം പേരിലാക്കിയത്.
ടീം രണ്ടാമത് ബാറ്റ് ചെയ്തപ്പോള് കോഹ്ലി 18 തവണയാണ് സെഞ്ചുറി നേടിയത്. പക്ഷേ ഇതിഹാസ താരം സച്ചിനു രണ്ടാമത് ബാറ്റ് ചെയ്തപ്പോള് 17 സെഞ്ചുറി മാത്രമാണ് നേടാൻ കഴിഞ്ഞിട്ടുള്ളത്. 232 ഇന്നിംഗ്സുകളില് നിന്നായിരുന്നു സച്ചിൻ ഈ റിക്കാർഡ് സ്വന്തമാക്കിയത്. പക്ഷേ 102 ഇന്നിംഗ്സുകള് മാത്രം കളിച്ചാണ് കോഹ്ലി നാഴികക്കല്ല് പിന്നിട്ടത്.
വെസ്റ്റ് ഇൻഡീസിനെതിരായ അവസാനത്തെ ഏകദിനത്തിൽ സെഞ്ചുറി നേടിയതോടെ ആണ് റൺ ചേസിംഗിൽ ഏറ്റവുമധികം സെഞ്ചുറിയെന്ന നേട്ടത്തിൽ കോഹ്ലി എത്തിയത്.115 പന്തിൽ രണ്ട് സിക്സും 12 ഫോറുകളുടേയും അകമ്പടിയോടെ ആയിരുന്നു സെഞ്ചുറി. ഏകദിന കരിയറിലെ 28-ാം സെഞ്ചുറിയാണ് കോഹ്ലി നേടിയത്. ഇതോടെ ഏറ്റവുമധികം സെഞ്ചുറികളുടെ കണക്കിൽ ശ്രീലങ്കൻ മുൻ താരം സനത് ജയസൂര്യയുടെ ഒപ്പമെത്തി കോഹ്ലി.
Post Your Comments