വിഴിഞ്ഞം ; മദ്യത്തെ ചൊല്ലി വാക്കേറ്റം മത്സ്യത്തൊഴിലാളിയെ കെട്ടിടത്തിന് മുകളിൽ നിന്നും തള്ളിയിട്ട് കൊലപ്പെടുത്തി. വിഴിഞ്ഞം കോട്ടപ്പുറം വടയാർ പുരയിടത്തിൽ ക്രിസ്റ്റടിമ (55) ആണ് മരിച്ചത്. ഗുരുതരമായി പരിക്കേറ്റ ഇയാളെ മെഡിക്കൽ കോളജാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംഭവവുമായി ബന്ധപ്പെട്ട് വിഴിഞ്ഞം പഴയപള്ളി സ്വദേശി ജോണ്സനെ പോലീസ് പിടികൂടി. ഫിഷിംഗ് ലാൻഡിംഗ് സെന്ററിന് സമീപം പണി പൂർത്തിയായി വരുന്ന സർക്കാർ ക്വാർട്ടേഴ്സിൽ തിങ്കളാഴ്ച രാത്രി പതിനൊന്നോടെയായിരുന്നു സംഭവം.
അനധികൃതമായി മദ്യവിൽപ്പന നടത്തുന്ന ജോണ്സണും ക്രിസ്റ്റടിമയും തമ്മിലുണ്ടായ വാക്ക് തർക്കത്തെ തുടർന്ന് മൂന്നാം നിലയിൽ നിന്ന് ക്രിസ്റ്റടിമയെ ജോൺസൺ താഴേക്ക് തള്ളിയിടുകയായിരുന്നു എന്നും ക്രിസ്റ്റടിമയോടൊപ്പം മൂന്നാം നിലയിൽ കിടന്നുറങ്ങുകയായിരുന്ന ഉൗമയായ മത്സ്യത്തൊഴിലാളിയാണ് കൊലപാതക വിവരം അറിയിച്ചതെന്നും പോലീസ് പറഞ്ഞു.
Post Your Comments