ന്യൂയോർക്ക് ; വേള്ഡ് ട്രേഡ് സെന്റർ ആക്രമണത്തിൽ മരിച്ചയാളെ തിരിച്ചറിഞ്ഞത് 16 വർഷത്തിന് ശേഷം. പുതിയ ഡിഎൻഎ സാങ്കേതിക വിദ്യയുടെ സഹായത്തോടെ 9/11 വേള്ഡ് ട്രേഡ് സെന്റർ ആക്രമണത്തില് മരണപ്പെടുകയും ഇതുവരെ തിരിച്ചറിയാന് കഴിയാത്ത പുരുഷന്റെ വിവരങ്ങളാണ് അധികൃതര്ക്ക് ലഭിച്ചത്. കുടുംബത്തിന്റെ അഭ്യർഥനയെ തുടർന്ന് അ ദ്ദേഹത്തിന്റെ പേരു വിവരങ്ങൾ അധികൃതർ പുറത്തു വിട്ടിട്ടില്ല. 2753 പേര് കൊല്ലപ്പെട്ട ദുരന്തത്തില് 1641 -ാമത്തെ വ്യക്തിയാണ് ഇപ്പോള് തിരിച്ചറിയപ്പെട്ടത്.2001 ല് ശേഖരിച്ച ഡിഎന്എ ന്യൂയോര്ക്ക് സിറ്റിയുടെ ചീഫ് മെഡിക്കല് എക്സാമിനര് ഓഫീസ് ആവര്ത്തിച്ചുള്ള പരിശോധന നടത്തിയ ശേഷമാണ് മരിച്ചത് പുരുഷനാണെന്ന് തിരിച്ചറിഞ്ഞത്. ഇതിനു മുമ്പ് ഇവിടെ കൊല്ലപ്പെട്ട ഒരാളെ 2015 മാര്ച്ചിലാണ് തിരിച്ചറിഞ്ഞത്.
അമേരിക്കയുടെ അഭിമാനമായിരുന്ന ട്വിൻ ടവർ 2001 സെപ്റ്റംബർ 11നാണ് അല് ക്വയ്ദയുടെ ആക്രമണത്തില് തകര്ന്നടിഞ്ഞത്. ദുരന്ത ഭൂമിയില് 2001ലും 2002ലും നടത്തിയ പരിശോധനകളില് ലഭിച്ച മനുഷ്യാവശിഷ്ടങ്ങളില് ഡിഎന്എ പരിശോധന നടത്തി നിരവധി പേരുടെ വിശദാംശങ്ങൾ ശേഖരിച്ചിരുന്നു.
Post Your Comments