ഹൈദരാബാദ്: 30 ഇനങ്ങളുടെ ജിഎസ്ടി കുറച്ചു. വറുത്ത കടല, ദോശ മാവ്, പിണ്ണാക്ക്, മഴക്കോട്ട്, റബർ ബാൻഡ് തുടങ്ങിയ ഇനങ്ങളുടെ ജിഎസ്ടിയാണ് കുറച്ചത്. ഇതിനു പുറമെ ജിഎസ്ടി റിട്ടേൺസ് സമർപ്പിക്കാനുള്ള അവസാന തീയതിയും നീട്ടി. ഹൈദരാബാദിൽ നടന്ന ജിഎസ്ടി കൗൺസിൽ യോഗത്തിനു ശേഷം ധനമന്ത്രി അരുൺ ജയ്റ്റിലിയാണ് ഇക്കാര്യം അറിയിച്ചത്. റിട്ടേൺസ് സമർപ്പിക്കാനുള്ള അവസാന തീയതി ഒക്ടോബർ 10 വരെയാണ് നീട്ടി.നാളെ വരെയായിരുന്ന റിട്ടേൺസ് സമർപ്പിക്കാനുള്ള അവസാന തീയതിയായി നേരെത്ത നിശ്ചയിച്ചിരുന്നത്. അതാണ് നീട്ടിയത്.
വലിയ കാറുകൾക്ക് അഞ്ച് ശതമാനം അധിക സെസ് ഏർപ്പെടുത്താനും ജിഎസ്ടി കൗൺസിൽ തീരുമാനിച്ചു. ഇടത്തരം വലിപ്പമുള്ള കാറുകൾക്ക് രണ്ട് ശതമാനവും എസ്‌യുവികളുടെ സെസിൽ ഏഴ് ശതമാനവും വർധന വരുത്തി. രജിസ്റ്റേർഡ് ട്രേഡ്മാർക്കുള്ള സ്ഥാപനങ്ങളുടെ ഉത്പന്നങ്ങൾക്ക് അഞ്ച് ശതമാനം ജിഎസ്ടി ഏർപ്പെടുത്തി. മെയ് 15 വരെ ട്രേഡ്മാർക്ക് രജിസ്റ്റർ ചെയ്തവർക്ക് ഇത് ബാധകമാണ്.കെവിഐസി വിൽക്കുന്ന ഖാദിക്ക് ജിഎസ്ടി ഒഴിവാക്കാനും യോഗത്തിൽ തീരുമാനിച്ചു.
Post Your Comments