ജയ്പൂര്: രാജസ്ഥാനിലെ രാംഗഞ്ച് മേഖലയില് പൊലീസുകാരും നാട്ടുകാരും തമ്മിലുണ്ടായ ഏറ്റുമുട്ടലില് ഒരു നാട്ടുകാരന് കൊല്ലപ്പെട്ടു. മുഹമ്മദ് റയീസാണ് കൊല്ലപ്പെട്ടത്. ഇതിനു പുറമേ 10 പേര്ക്ക് പരിക്കേറ്റു.
രോക്ഷാകുലരായ ജനക്കൂട്ടം വാഹനങ്ങള്ക്കും മറ്റും തീയിട്ടു. തുടര്ന്ന് പ്രദേശത്ത് നിരോധനാജ്ഞ പ്രഖ്യാപിക്കുകയായിരുന്നു. മനാക് ചൗക്, സുഭാഷ് ചൗക്, ഗല്റ്റ ഗേറ്റ്, രാംഗഞ്ച് എന്നീ നാലു പോലീസ് സ്റ്റേഷന് പരിധിയിലാണ് നിരോധനാജ്ഞ പുറപ്പെടുപ്പിച്ചത്. പൊലീസിന്റെ പതിവ് വാഹന പരിശോധനക്കിടെ കഴിഞ്ഞ ദിവസം മോട്ടോര് ബൈക്ക് യാത്രികനെ ലാത്തി കൊണ്ട് അടിച്ചു വെന്ന ആരോപണത്തെ തുടര്ന്നാണ് അക്രമ സംഭവങ്ങള് അരങ്ങേറി തുടങ്ങിയത്.
എന്നാല് അടി കിട്ടിയ ഉടന് ബൈക്ക് യാത്രക്കാരന് സംഭവ സ്ഥലത്തു നിന്ന് ഒാടി രക്ഷപ്പെട്ടു. എന്നാല് പിന്നീട് ആളുകള് കൂട്ടം കൂടുകയും പോലീസുമായി ഏറ്റുമുട്ടല് നടത്തുകയുമായിരുന്നു.
പോലീസ് കോണ്സ്റ്റബിളും മോട്ടോര് ബൈക്ക് യാത്രക്കാരായ ദമ്പതികളും തമ്മിലുണ്ടായ വാക്കു തര്ക്കമാണ് ആക്രമ സംഭവങ്ങള്ക്കിട വരുത്തിയതെന്ന് ജയ്പൂര് പോലീസ് കമ്മീഷണര് സഞ്ജയ് അഗര്വാള് വ്യക്തമാക്കുന്നു.
അക്രമത്തിന് കുറവ് വരാത്തതിനെതുടര്ന്ന് പൊലീസ് പ്രക്ഷോഭകര്ക്ക് നേരെ വെടി വെച്ചു. ഇതിനിടെയാണ് മുഹമ്മദ് റയീസ് കൊല്ലപ്പെട്ടത്. അക്രമസംഭവങ്ങള്ക്കിടെ പൊലീസിനു നേരെ കല്ലേറുണ്ടായതായും തുടര്ന്ന് പൊലീസ് കണ്ണീര് വാതകം പ്രയോഗിച്ഛതായും റിപ്പോര്ട്ടുകള് പറയുന്നു.
Post Your Comments