KeralaInternationalGulf

സൗദിയിൽ മസ്​തിഷ്​കാഘാതത്തെ തുടര്‍ന്ന് ആശുപത്രിയിലായിരുന്ന മലയാളി സാമൂഹിക പ്രവര്‍ത്തകന്‍ മരിച്ചു

റിയാദ് ; സൗദിയിൽ മസ്​തിഷ്​കാഘാതത്തെ തുടര്‍ന്ന് റിയാദ്​ നാഷനല്‍ ആശുപത്രിയിലായിരുന്ന മലയാളി സാമൂഹിക പ്രവര്‍ത്തകനും പ്രവാസി റീഹാബിലിറ്റേഷന്‍ സെന്‍റര്‍ സ്ഥാപക ഭാരവാഹികളിലൊരാളായിരുന്ന കൊല്ലം ആശ്രമം സ്വദേശി വി.കെ അനില്‍കുമാർ (46) മരണപ്പെട്ടു. 16ന്​ വൈകീട്ട്​ മലസിലെ മുറിയില്‍ ഇദ്ദേഹം ഛര്‍ദ്ദിച്ച്‌​ അബോധാവസ്ഥയില്‍ കിടക്കുകയായിരുന്നു. നാട്ടില്‍ നിന്ന്​ ഭാര്യ ഏറെ നേരം വിളിച്ചിട്ടും ഫോണെടുക്കാഞ്ഞതിനെ തുടര്‍ന്ന് റിയാദിലെ സുഹൃത്തുക്കളെ വിളിച്ച്‌​ വിവരം അറിയിച്ചു. ഉടന്‍ അവരെത്തി അനിൽകുമാറിനെ ആശുപത്രിയിൽ പ്രവേശിപ്പിക്കുകയായിരുന്നു. തലച്ചോറില്‍ രക്തം കട്ടപിടിച്ചിരുന്നതിനാല്‍ അടിയന്തര ശസ്​ത്രക്രിയക്ക്​ വിധേയനാക്കിയിരുന്നു. അന്ന്​ മുതല്‍ 10 ദിവസവും അബോധാവസ്ഥയില്‍ തന്നെയായിരുന്നതിനാൽ നേരത്തെ തന്നെ മസ്​തിഷ്​ക മരണം സംഭവിച്ചതായാണ്​ നിഗമനം. ചൊവ്വാഴ്​ച രാത്രി മരണം സ്ഥിതീകരിച്ചു. മൃതദേഹം നാട്ടില്‍ കൊണ്ടുപോകുന്നതിനുള്ള ശ്രമം ആരംഭിച്ചിട്ടുണ്ട്​.

റിയാദിൽ 25 വര്‍ഷമായുള്ള അനില്‍ ആദ്യം 15 വര്‍ഷം അസിസ്​റ്റ്​ ടെക്​നോളജി എന്ന പ്രമുഖ സോഫ്​റ്റ്​ വെയര്‍ കമ്പനിയിൽ ജോലി ചെയ്ത ശേഷം സ്വന്തമായി ടൈം സ്​റ്റാര്‍ കണ്‍സ്​ട്രക്ഷന്‍സ്​ എന്ന കമ്പനി നടത്തിവരികയായിരുന്നു. കമ്പനിയുടെ ആവശ്യാര്‍ഥം ഹാഇലില്‍ പോയപ്പോൾ അവിടെ വെച്ച് ഹൃദയാഘാതമുണ്ടായി ശേഷം വിടുത്തെ ആശുപത്രിയില്‍ ശസ്​ത്ര​ക്രിയക്ക്​ വിധേയനായിരുന്നു. ഒരു മാസത്തിന്​ ശേഷം നാട്ടില്‍ പോയി തിരുവനന്തപുരത്തെ കിംസ്​ ആശുപത്രിയില്‍ വിദഗ്​ധ ചികിത്സ തേടി. രണ്ടുമാസത്തിന്​ ശേഷം ഇൗ മാസം 13നാണ് അനിൽ ​ റിയാദില്‍ തിരിച്ചെത്തിയത്​. റിയാദിലെ സാമൂഹിക പ്രവര്‍ത്തകന രംഗത്ത്​ സജീവമായിരുന്ന അനില്‍ ആദ്യം റിയാദ്​ ഇന്ത്യന്‍ അസോസിയേഷനില്‍ അംഗമായിരുന്നു.

shortlink

Related Articles

Post Your Comments

Related Articles


Back to top button