ചെന്നൈ: മുൻ ഇന്ത്യൻ ടെസ്റ്റ് ക്രിക്കറ്റ് താരം എ.ജി.മിൽഖാ സിംഗ്(75) അന്തരിച്ചു. ഹൃദയാഘാതം മൂലം ചെന്നൈയിൽ സ്വകാര്യ ആശുപത്രിയിൽ വച്ചായിരുന്നു അന്ത്യം. 1959-62 കാലഘട്ടത്തിൽ ഇന്ത്യൻ ജഴ്സി അണിഞ്ഞ മിൽഖാ ഓസ്ട്രേലിയ, പാക്കിസ്ഥാൻ, ഇംഗ്ലണ്ട് എന്നീ ടീമുകൾക്കെതിരെ നാലു ടെസ്റ്റ് മൽസരങ്ങൾ കളിച്ചിട്ടുണ്ട്.
ഫസ്റ്റ് ക്ലാസ് ക്രിക്കറ്റിൽ തമിഴ്നാടിന് വേണ്ടി കളിച്ച മിൽഖാ എട്ടു സെഞ്ചുറി അടക്കം 4,324 റൺസും നേടി. സ്റ്റേറ്റ് ബാങ്ക് ഓഫ് ഇന്ത്യയിലെ ഉദ്യോഗസ്ഥനായിരുന്നു അദ്ദേഹം. 1961-62 കാലത്ത് ഇംഗ്ലണ്ടിൽ നടന്ന ഒരു ടെസ്റ്റിൽ ഇരുവരും ഒരുമിച്ച് ഇന്ത്യക്കു വേണ്ടി കളിക്കാനിറങ്ങിയിട്ടുണ്ട്. മിൽഖയുടെ മൂത്ത സഹോദരൻ കൃപാൽ സിംഗും ഇന്ത്യൻ താരമായിരുന്നു.
Post Your Comments