പാരീസ്: ആറാം വയസിലും പതിനേഴാം വയസിലും ‘സുന്ദരി പട്ടം’ സ്വന്തമാക്കിയിരിക്കുകയാണ് ബ്ലോന്ഡിയ. പ്രശസ്ത ഫ്രഞ്ച് മോഡല് തൈലനെ ബ്ളോന്ഡിയയാണ് ഇൗ അപൂര്വ നേട്ടം സ്വന്തമാക്കിയത്. സൗന്ദര്യത്തിന്റെ എല്ലാസവിശേഷതകളും ഒത്തുചേര്ന്നതുകൊണ്ടാണ് ബ്ലോന്ഡിയയ്ക്ക് പുരസ്കാരം നല്കുന്നതെന്നാണ് പുരസ്കാര ദാതാക്കളായ ടി.സി.ക്ളാന്ഡേഴ്സ് പറയുന്നത്. തായ്വാന് ഗായികയായ ചൗട്സു യുവിക്കാണ് രണ്ടാം സ്ഥാനം.
1990മുതലാണ് ടി.സി.ക്ളാന്ഡേഴ്സ് വാര്ഷിക അവാര്ഡ് വിതരണം തുടങ്ങിയത്. യുട്യൂബ് ചാനലില് മത്സരാര്ത്ഥികളുടെ വീഡിയോ കണ്ട് പ്രേക്ഷകരാണ് വിജയികളെ തിരഞ്ഞെടുക്കുന്നത്. ലോകത്തെ മികച്ച സൗന്ദര്യമുള്ള നൂറുപേരുടെ പട്ടികയാണ് പുറത്തുവിടുന്നത്. ഏറ്റവും ജനകീയമായ ബ്യൂട്ടി അവാര്ഡെന്ന പെരുമ ചുരുങ്ങിയ സമയംകൊണ്ട് സ്വന്തമാക്കുകയും ചെയ്തു. അവാര്ഡിന് പരിഗണിക്കുന്നവരുടെ ലിസ്റ്റിലുള്പ്പെടാന് തന്നെ നൂറുകണക്കിന് സുന്ദരിമാരാണ് കാത്തിരിക്കുന്നത്. പറയത്തക്ക വമ്ബന് സമ്മാനങ്ങളൊന്നും ലഭിക്കില്ലെങ്കിലും മോഡലിംഗ് രംഗത്ത് മികച്ച അവസരമായിരിക്കും ലഭിക്കുക. അവാര്ഡ് ലഭിച്ചതിന്റെ സന്തോഷത്തിലാണ് ബ്ളോന്ഡിയ.
Post Your Comments