ന്യൂഡല്‍ഹി: പുതുവർഷത്തിലെ ആദ്യ ദിവസത്തിൽ പ്രധാനമന്ത്രി നരേന്ദ്രമോദി വാര്‍ത്താ ഏജന്‍സിയായ എഎന്‍ഐയ്ക്കു നല്‍കിയ അഭിമുഖത്തെ വിമര്‍ശിച്ച് കോണ്‍ഗ്രസ്. രാജ്യം പ്രതീക്ഷിച്ച ചോദ്യങ്ങള്‍ക്കൊന്നും മോദി ഉത്തരം നല്‍കിയില്ലെന്ന് കോണ്‍ഗ്രസ് വക്താവ് രണ്‍ദീപ് സുര്‍ജേവാല പറഞ്ഞു. ജനങ്ങള്‍ക്ക് തെരഞ്ഞെടുപ്പിന് മുന്പ് വാഗ്ദാനം ചെയ്ത 15 ലക്ഷം രൂപ എവിടെയെന്നും മോദിയുടെ നുണകളില്‍ ഈ രാജ്യം ദുഖിക്കുകയാണെന്നും സുര്‍ജേവാല ട്വീറ്റിലൂടെ വിമർശിച്ചു.
മാധ്യമങ്ങളെ കാണാന്‍ തയാറാകാതിരുന്ന പ്രധാനമന്ത്രി നരേന്ദ്ര മോദി ഏറെ നാളുകള്‍ക്ക് ശേഷമാണ് രാഷ്ട്രീയ കാര്യങ്ങള്‍ക്കടക്കം മറുപടി നല്‍കുന്ന അഭിമുഖം എഎന്‍ഐക്ക് അനുവദിച്ചത്. അഗസ്റ്റ് വെസ്റ്റ്ലാന്‍ഡ് കരാറുമായി ബന്ധപ്പെട്ട് കോണ്‍ഗ്രസിനെ പ്രധാനമന്ത്രി രൂക്ഷമായി വിമർശിച്ചു. ക്രിസ്റ്റ്യന്‍ മിഷേലിനെ രക്ഷിക്കാന്‍ അഭിഭാഷകരെ അയച്ചത് ആശങ്കാജനകമെന്നും മോദി പറഞ്ഞിരുന്നു.
Post Your Comments