ആറില്‍ അഞ്ച് വിമാനത്താവളങ്ങളും അദാനിക്ക് ലഭിച്ചതിനെതിരെ വിമര്‍ശനവുമായി മുഖ്യമന്ത്രി

തിരുവനന്തപുരം : വി​മാ​ന​ത്താ​വ​ളം ന​ട​ത്തി​പ്പുമായി ബന്ധപെട്ടു നടന്ന ലേലത്തിൽ ആറില്‍ അഞ്ച് വിമാനത്താവളങ്ങളും അദാനിക്ക് ലഭിച്ചതിനെതിരെ വിമർശനവുമായി മുഖ്യമന്ത്രി പിണറായി വിജയൻ. പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യും അ​ദാ​നി​യും ത​മ്മി​ൽ ന​ല്ല പ​രി​ച​യ​ക്കാരാണ്. അല്ലാതെ വി​മാ​ന​ത്താ​വ​ള ന​ട​ത്തി​പ്പി​ൽ അ​ദാ​നി ഗ്രൂ​പ്പി​ന് ഇ​തു​വ​രെ പ​രി​ച​യ​മി​ല്ല. വി​മാ​ന​ത്താ​വ​ള​ങ്ങ​ളു​ടെ ന​ട​ത്തി​പ്പ് അ​വ​കാ​ശം സം​ബ​ന്ധി​ച്ച് ബി​ഡി​ൽ ആ​റി​ൽ അ​ഞ്ചും അ​ദാ​നി ഗ്രൂ​പ്പി​നു ല​ഭി​ച്ച​ത് വിചിത്രമാണെന്നും, ഒ​രു കൂ​ട്ട​ർ​ക്കു ത​ന്നെ കി​ട്ടു​മ്പോ​ൾ പു​റ​മേ നോ​ക്കു​ന്ന​വ​ർ​ക്കു സ്വാ​ഭാ​വി​ക​മാ​യും സം​ശ​യം വരുമെന്നും മുഖ്യമന്ത്രി വിമർശിച്ചു.

വി​മാ​നം ആ​കാ​ശ​ത്തി​ലൂ​ടെ പ​റ​ക്കു​ന്ന​താ​ണെ​ങ്കി​ലും വി​മാ​ന​ത്താ​വ​ള​ത്തി​നു​ള്ള സൗ​ക​ര്യം ഭൂ​മി​യി​ൽ ഒ​രു​ക്കേ​ണ്ട​താ​ണ്. വി​മാ​ന​ത്താ​വ​ള​ത്തി​ൽ വി​ക​സ​നം ന​ട​ക്ക​ണ​മെ​ങ്കി​ൽ അ​ദാ​നി എ​ന്ന കു​ത്ത​ക വി​ചാ​രി​ച്ചാ​ൽ മാ​ത്രം ന​ട​ക്കി​ല്ല. വി​മാ​ന​ത്താ​വ​ള​ങ്ങ​ളി​ലെ സൗ​ക​ര്യം ഒ​രു​ക്കേ​ണ്ട​ത് സം​സ്ഥാ​ന സ​ർ​ക്കാ​രി​ന്‍റെ ചു​മ​ത​ല​യാ​ണ്. സം​സ്ഥാ​ന സ​ർ​ക്കാ​രാ​ണു സ്ഥ​ല​മെ​ടു​ത്തു കൊ​ടു​ക്കേ​ണ്ട​ത്. അ​ക്കാ​ര്യം സം​സ്ഥാ​നം ചെ​യ്യു​മെ​ന്നും സം​സ്ഥാ​ന​ത്തെ ശ​ത്രു​പ​ക്ഷ​ത്തു നി​ർ​ത്തി കാ​ര്യ​ങ്ങ​ൾ ന​ട​ത്താ​മെ​ന്ന് കേ​ന്ദ്ര​സ​ർ​ക്കാ​ർ ക​രു​തു​ന്ന​ത് ശ​രി​യ​ല്ലെ​ന്നും മു​ഖ്യ​മ​ന്ത്രി പ​റ​ഞ്ഞു