ഒമാന്‍ സന്ദര്‍ശനത്തിനെത്തിയ ബ്രിട്ടീഷ് വിദേശകാര്യ സെക്രട്ടറി ജെറമി ഹണ്ട് സുല്‍ത്താന്‍ ഖാബൂസ് ബിന്‍ സഈദുമായി കൂടികാഴ്ച നടത്തി. ബൈത്തുല്‍ ബര്‍ക്ക കൊട്ടാരത്തിലായിരുന്നു കൂടിക്കാഴ്ച.ഇരു രാഷ്ട്രങ്ങളും തമ്മിലുള്ള സൗഹൃദവും ഉഭയകക്ഷി സഹകരണവും കൂടികാഴ്ചയില്‍ ചര്‍ച്ചയായി. മേഖലയിലെ വിവിധ വിഷയങ്ങളും ചര്‍ച്ച ചെയ്തു. ഒമാന്‍ വിദേശകാര്യ മന്ത്രി യൂസുഫ് ബിന്‍ അലവിയും ഒമാന്‍ വിദേശകാര്യ മന്ത്രിക്ക് ഒപ്പമെത്തിയ അതിഥികളും കൂടികാഴ്ചയില്‍ പെങ്കടുത്തു.
വിദേശകാര്യ സെക്രട്ടറിയുടെ സന്ദര്‍ശനത്തിന്റൈ ഭാഗമായി ഒമാനും ബ്രിട്ടനും തമ്മിലുള്ള ദീര്‍ഘ സൗഹൃദ പ്രഖ്യാപനത്തിലും ഒപ്പുവെച്ചു.യമനിലെ സമാധാന ശ്രമങ്ങള്‍ക്ക് വേഗത വര്‍ധിപ്പിക്കുന്നതിന്റെ ഭാഗമായുള്ള ചര്‍ച്ചകള്‍ക്ക് ഒമാനിലെത്തിയ ബ്രിട്ടീഷ് വിദേശകാര്യ സെക്രട്ടറി ജെറമി ഹണ്ട് വിമത വിഭാഗമായ ഹൂതികളുടെ വക്താവ് മുഹമ്മദ് അബ്ദുല്‍ സലാമുമായി മസ്‌കത്തില്‍ കൂടികാഴ്ച നടത്തി. വെള്ളിയാഴ്ച നടന്ന കൂടികാഴ്ചയില്‍ തുറമുഖ നഗരമായ ഹുദൈദ കേന്ദ്രീകരിച്ച് നടക്കുന്ന സമാധാന ശ്രമങ്ങള്‍ ചര്‍ച്ചയായതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു.
Post Your Comments