ദുബായ്: ടെന്നീസില് ചരിത്രം കുറിച്ച് സ്വിറ്റ്സര്ലല്ഡ് താരം റോജർ ഫെഡറർലോക ടെന്നീസിൽ കരിയറിലെ 100-ാം കിരീടം എന്ന നേട്ടം കരസ്ഥമാക്കിയാണ് മുപ്പത്തേഴുകാരനായ റോജര് ചരിത്രത്തില് ഇടം നേടിയത്. ഇതോടെ 100 കിരീടങ്ങൾ സ്വന്തമാക്കുന്ന രണ്ടാം പുരുഷ താരമെന്ന റിക്കാർഡ് ഫെഡറർ സ്വന്തമാക്കി. അമേരിക്കയുടെ ജിമ്മി കോണേഴ്സാണ് (109 കിരീടങ്ങൾ) എന്ന നേട്ടം ആദ്യം സ്വന്തമാക്കിയത്.
ശനിയാഴ്ച ദുബായ് ടെന്നീസ് ചാന്പ്യൻഷിപ്പ് ഫൈനലിൽ ഗ്രീസിന്റെ സ്റ്റെഫാനോസ് സിറ്റ്സിപാസിനെ നേരിട്ടുള്ള സെറ്റുകൾക്കു കീഴടക്കിയാണ് ഫെഡറർ തന്റെ 100-ാം കിരീടം ഉറപ്പിച്ചത്. സ്കോർ: 6-4, 6-4. ദുബായിയിൽ ഇത് എട്ടാം തവണയാണ് ഫെഡറര് കിരീടത്തില് മുത്തമിടുന്നത്. 18 വർഷം മുന്പാണ് ഫെഡറർ ആദ്യ എടിപി കിരീടം സ്വന്തമാക്കുന്നത്. അതേസമയം 167 സിംഗിൾസ് കിരീടങ്ങൾ നേടിയ മാർട്ടിന നവരത്തിലോവയാണ് വനിതാ വിഭാഗത്തിൽ മുന്നിലുള്ളത്.
Post Your Comments