മൂവാറ്റുപുഴ: സംസ്ഥാനത്ത് വീണ്ടും എടിഎം തട്ടിപ്പ് വ്യാപകമാകുന്നു. എടിഎം ഉപയോഗിച്ച് യുവാവിന്റെ അരലക്ഷത്തോളം രൂപ തട്ടിയെടുത്തതായി പരാതി.
ആരക്കുഴ മൂവാറ്റുപുഴ റോഡിൽ സ്വകാര്യ സ്ഥാപനം നടത്തുന്ന കൂത്താട്ടുകുളം സ്വദേശി ശ്യാം ദാസാണ് തന്റെ പണം നഷ്ടപ്പെട്ടതായി കാണിച്ചു മൂവാറ്റുപുഴ പോലീസിൽ പരാതി നൽകിയത്. അരലക്ഷം രൂപയാണ് തട്ടിയെടുത്തിരിയ്ക്കുന്നത്.
മൂവാറ്റുപുഴ ഐസിഐസിഐ ബാങ്ക് ബ്രാഞ്ചിലാണ് ശ്യാം ദാസിന് അക്കൗണ്ടുള്ളത്. തിങ്കളാഴ്ച പുലർച്ചെ ഒന്നരയോടെ മൂന്നുപ്രാവശ്യമായി പണം പിൻവലിക്കുകയായിരുന്നു. പോലീസ് കേസെടുത്തു .
Post Your Comments