സതാംപ്ടണ്: ലോകകപ്പിലെ ആദ്യ മത്സരത്തില് മറ്റൊരു റെക്കോർഡ് കൂടി സ്വന്തമാക്കി മഹേന്ദ്ര സിങ് ധോണി. ലിസ്റ്റ് എ ക്രിക്കറ്റില് സ്റ്റംമ്പിങ്ങിലൂടെ ഏറ്റവും കൂടുതല് പേരെ പുറത്താക്കിയ താരമെന്ന മുന് പാക് താരം മോയിന് ഖാന്റെ റെക്കോഡിനൊപ്പമാണ് ധോണിയിപ്പോൾ. ദക്ഷിണാഫ്രിക്കയ്ക്കെതിരായ മത്സരത്തിന്റെ 40-ാം ഓവറില് ഫെഹ് ലുക്വായോയെ പുറത്താക്കിയതോടെയാണ് ഈ റെക്കോർഡ് ധോണിക്ക് സ്വന്തമാക്കാൻ കഴിഞ്ഞത്. ലിസ്റ്റ് എ ക്രിക്കറ്റില് ധോണിയുടെ സ്റ്റംമ്പിങ്ങുകളുടെ എണ്ണം 139 ആയിരിക്കുകയാണ്.
ലോകകപ്പിൽ ദക്ഷിണാഫ്രിക്കയ്ക്കെതിരെയുള്ള ഇന്ത്യയുടെ ആദ്യമത്സരത്തിൽ ധോണി 46 പന്തുകളില് നിന്ന് 34 റണ്സെടുത്തിരുന്നു. രോഹിത്തിനൊപ്പം നാലാം വിക്കറ്റില് 74 റണ്സിന്റെ കൂട്ടുകെട്ടുണ്ടാക്കാനും ധോണിക്കായി.
Post Your Comments