Latest NewsIndiaCrime

എട്ടുവയസുകാരിയെ ബലാത്സംഗം ചെയ്ത് കൊന്നു ; മൃതദേഹം കണ്ടെത്തിയത് വീടിനുസമീപത്തെ ഓവുചാലില്‍

ഭോപ്പാല്‍: അലിഗഢില്‍ രണ്ട് വയസ്സുകാരിയെ ബലാത്സംഗത്തിനിരയാക്കി ക്രൂരമായി കൊലപ്പെടുത്തിയ സംഭവത്തിന് പിന്നാലെ മധ്യപ്രദേശിലെ ഭോപ്പാലില്‍ എട്ടുവയസ്സുകാരിയായെ ബലാത്സംഗം ചെയ്ത് കൊന്നു.മാതാപിതാക്കളോടൊപ്പം ചേരിയില്‍ താമസിക്കുന്ന പെണ്‍കുട്ടിയാണ് കൊല്ലപ്പെട്ടത്. പെണ്‍കുട്ടിയെ കാണാതായപ്പോള്‍ മുതല്‍ അന്വേഷണം നടത്തുകയും പോലീസില്‍ പരാതിപ്പെടുകയും ചെയ്തിരുന്നു. എന്നാല്‍ പിറ്റേദിവസം വീടിന് സമീപത്തെ ഓടയില്‍ നിന്ന് പെണ്‍കുട്ടിയുടെ മൃതദേഹം കണ്ടെത്തുകയായിരുന്നു.ബലാത്സംഗത്തിനിരയാക്കിയ ശേഷം പെണ്‍കുട്ടിയെ കഴുത്ത് ഞെരിച്ച് കൊല്ലുകയായിരുന്നുവെന്ന് പ്രാഥമിക അന്വേഷണത്തില്‍ തെളിഞ്ഞതായി പൊലീസ് അറിയിച്ചു.

പെണ്‍കുട്ടിയെ കാണാതായി ഒരു മണിക്കൂറിനുള്ളില്‍ പരാതിനല്‍കിയെങ്കിലും പൊലീസ് അവഗണിച്ചെന്ന് കുട്ടിയുടെ മാതാപിതാക്കളും ബന്ധുക്കളും ആരോപിച്ചു. കുട്ടിയുടെ കൈയില്‍ കെട്ടിയിട്ട അടയാളമുണ്ടെന്ന് അമ്മാവന്‍ പറഞ്ഞു. ശനിയാഴ്ച വൈകുന്നേരം കുട്ടിയെ കാണാതായതിനെ തുടര്‍ന്ന് ബന്ധുക്കള്‍ റെയില്‍വേ സ്റ്റേഷനിലും ബസ് സ്റ്റാന്‍ഡിലും കുട്ടിയെ തിരഞ്ഞു. പൊലീസ് സ്റ്റേഷനില്‍ അറിയിക്കുകയും ചെയ്തു. എന്നാല്‍ കുട്ടിയെ വീട്ടില്‍ പോയി വിശദമായി തിരയാനായിരുന്നു പൊലീസിന്റെ മറുപടി. തുടര്‍ന്ന് രേഖാമൂലം പരാതി നല്‍കി. വീട്ടില്‍ അന്വേഷണത്തിനെത്തിയ പൊലീസ് ഗുഡ്ക തിന്ന് വെള്ളം കുടിച്ച് കുട്ടി രാവിലെ എത്തുമെന്നും പേടിക്കേണ്ടെന്നും പറഞ്ഞ് തിരിച്ചു പോയെന്നും കുടുംബം ആരോപിച്ചു.

ഞായറാഴ്ച രാവിലെയാണ് ഇവര്‍ താമസിക്കുന്ന ചേരിക്ക് തൊട്ടടുത്തെ ഓടയില്‍ പെണ്‍കുട്ടിയുടെ മൃതദേഹം കണ്ടെത്തിയത്. പെണ്‍കുട്ടിയെ വീടിന് സമീപം താമസിക്കുന്ന യുവാവാണ് സംഭവത്തിന് പിന്നിലെന്നും ഉടന്‍ പിടികൂടുമെന്നും പോലീസ് അറിയിച്ചു. സംഭവത്തില്‍ പ്രതിയുടെ ബന്ധുക്കളെ കസ്റ്റഡിയിലെടുത്തു. പ്രതിയെക്കുറിച്ച് വിവരം നല്‍കുന്നവര്‍ക്ക് 20000 രൂപ പ്രതിഫലം പ്രഖ്യാപിച്ചിട്ടുണ്ട്. സംഭവത്തില്‍ കൃത്യമായ അന്വേഷണം നടത്തി പ്രതികളെ കണ്ടെത്താന്‍ മുഖ്യമന്ത്രി കമല്‍നാഥ് ഉത്തരവിട്ടു.

shortlink

Related Articles

Post Your Comments

Related Articles


Back to top button