കാബൂൾ : കാര് ബോംബ് സ്ഫോടനത്തിൽ 8പേര് കൊല്ലപ്പെട്ടു. അഫ്ഗാനിസ്താനിലെ ഗസ്നിയിലാണ് സംഭവം. കൊല്ലപ്പെട്ട 8 പേർ നാഷണല് ഡയറക്ടറേറ്റ് ഓഫ് സെക്യൂരിറ്റി(എന്.ഡി.എസ്) അംഗങ്ങളാണെന്നു അല് ജസീറ മാധ്യമം റിപ്പോര്ട്ട് ചെയ്തു. 50 പേര്ക്ക് ഗുരുതരമായി പരിക്കേറ്റു. ഗസ്നിയിലെ ഇന്റലിജന്സ് യൂണിറ്റ് ലക്ഷ്യമിട്ടുള്ള ആക്രമണമാണ് നടന്നതെന്ന് പ്രൊവിന്ഷ്യല് കൗണ്സില് അംഗം ഹസന് റാസ യൂസഫ് പറഞ്ഞു.
ആക്രമണത്തിന്െറ ഉത്തരവാദിത്തം താലിബാന് ഏറ്റെടുത്തിട്ടുണ്ട്. ഖത്തര് തലസ്ഥാനമായ ദോഹയില് താലിബാന് – അഫ്ഗാന് സര്ക്കാര് പ്രതിനിധികള് പങ്കെടുക്കുന്ന ദ്വിദിന കോണ്ഫറന്സ് പുരോഗമിച്ചുകൊണ്ടിരിക്കെയാണ് ഗസ്നിയില് വന് സ്ഫോടനമുണ്ടായിരിക്കുന്നത്.
Post Your Comments