ലോസ്ഏഞ്ചല്സ്: റിക്ടര് സ്കെയിലില് 6.9 തീവ്രത രേഖപ്പെടുത്തിയ ഭൂചലനമാണ് വെള്ളിയാഴ്ച രാത്രി തെക്കന് കാലിഫോര്ണിയയിലുണ്ടായത്. ഈ ചലനം മെക്സിക്കോയില് വരെ അനുഭവപ്പെട്ടെങ്കിലും വലിയ നാശനഷ്ടങ്ങളൊന്നും റിപ്പോര്ട്ട് ചെയ്തിട്ടില്ല. തുടക്കത്തില് 7.1 തീവ്രത രേഖപ്പെടുത്തിയ ഭൂചലനം 20 വര്ഷത്തിനിടെ ഈ മേഖലയിലെ ഏറ്റവും വലിയ ചലനമാണ്. ഒരു ദിവസം മുമ്പ് ഉണ്ടായ 6.4 ഭൂകമ്പത്തിന്റെ അതേ പ്രദേശത്തെ കേന്ദ്രീകരിച്ചായിരുന്നു ഇന്നലത്തേതും. ലോസ് ഏഞ്ചല്സില് നിന്ന് 150 മൈല് (240 കിലോമീറ്റര്) അകലെയുള്ള മൊജാവേ മരുഭൂമിയിലെ റിഡ്ജ്ക്രസ്റ്റില് നിന്ന് 11 മൈല് കേന്ദ്രീകരിച്ചാണ് ചലനമുണ്ടായത്. ഭൂകമ്പത്തില് കെട്ടിട നാശനഷ്ടങ്ങളും തീപിടുത്തങ്ങളും നിരവധി പരിക്കുകളുമുണ്ടായിട്ടുണ്ട്.
ലോസ് ഏഞ്ചല്സിലെ ഡൗണ് ടൗണില് ഒരു പുതിയ ചലനം അനുഭവപ്പെട്ടു, ചുരുങ്ങിയത് അര മിനിറ്റെങ്കിലും നീണ്ടുനിന്ന ഭൂകമ്പം ചാന്ഡിലിയേഴ്സിനെ പിടിച്ചുകുലുക്കുകയും ലാസ് വെഗാസിലെ ഫര്ണിച്ചറുകള് തകര്ക്കുകയും ചെയ്തുവെന്ന് യു. എസ് ജിയോളജിക്കല് സര്വേ അറിയിച്ചു. മെക്സിക്കോയിലും ഇത് അനുഭവപ്പെട്ടു. 20 വര്ഷത്തിനിടെ സതേണ് കാലിഫോര്ണിയയിലെ ഏറ്റവും വലിയ ഭൂകമ്പത്തില് ഉണ്ടായ ഭൂചലനത്തില് മൊജാവേ മരുഭൂമിയില് നാശനഷ്ടം വരുത്തിയ തകര്ന്ന റോഡുകളും പൈപ്പുകളും അടിയന്തര അറ്റകുറ്റപ്പണികള് നടത്തി. വ്യാഴാഴ്ചയുണ്ടായ ഭൂചലനത്തിനു മുന്പ് ഇതേ സ്ഥലത്ത് ഏകദേശം 1,700 ഭൂചലനങ്ങളുണ്ടായതായി കാലിഫോര്ണിയ ഇന്സ്റ്റിറ്റ്യൂട്ട് ഓഫ് ടെക്നോളജിയിലെ സക്കറി റോസ് പറഞ്ഞു.
Post Your Comments