നെടുമ്പാശ്ശേരി വിമാനത്താവളം തുറക്കുന്നത് നീട്ടി

കൊച്ചി•കനത്ത മഴയെത്തുടര്‍ന്ന് അടച്ചിട്ട നെടുമ്പാശ്ശേരി അന്തരാഷ്ട്ര വിമാനത്താവളം തുറക്കുന്നത് നീട്ടി. നാളെ രാവിലെ 9 മണിവരെയാണ് റണ്‍വേ അടച്ചിരുന്നത്. നേരത്തെ ഇന്ന് രാത്രി 12 മണി വരെ അടച്ചിടും എന്നാണ് അറിയിച്ചിരുന്നത്.

നാളെ രാവിലെ 6 മണിക്ക് റണ്‍വേ പരിശോധിച്ച ശേഷം സര്‍വീസ് തുടങ്ങുന്ന കാര്യത്തില്‍ തീരുമാനമെടുക്കും.

നിലവില്‍ റണ്‍വേയില്‍ വെള്ളം കയറിയിട്ടില്ലെങ്കിലും മതിലിനോട് ചേര്‍ന്ന് വെള്ളക്കെട്ട് രൂപപ്പെട്ടിട്ടുണ്ട്. ഇതേത്തുടര്‍ന്ന് മുന്‍കരുതല്‍ എന്ന നിലയിലാണ് വിമാനത്താവളം താത്ക്കാലികമായി അടച്ചിട്ടത്.