ദുബായ് : വിമാനത്തില് ബ്രാന്ഡഡ് ലാപ്പ് ടോപ്പായ മാക്ക്ബുക്ക് പ്രോയ്ക്ക് വിലക്ക് ഏര്പ്പെടുത്തി. ഏറ്റവും ഒടുവില് ഫ്ളൈ ദുബായിയാണ് ഇപ്പോള് മാക്ക് ബുക്ക് പ്രോയ്ക്ക് വിലക്ക് ഏര്പ്പെടുത്തിയത്. നേരത്തെ എമിറേറ്റ്സും എത്തിഹാദും ഈ ലാപ്പ്ടോപ്പിന് വിലക്ക് ഏര്പ്പെടുത്തിയിരുന്നു.
ഇതോടെ മാക്ക് ബുക്ക് പ്രോയുടെ 15 ഇഞ്ചിന്റെ ലാപ്പ് ടോപ്പുകള് കമ്പനി തിരിച്ചുവിളിച്ചു. ഹാന്ഡ് ബാഗില് കൊണ്ടുപോകാവുന്ന ഈ ചെറിയ ലാപ്പ് ടോപ്പുകളുടെ ബാറ്ററി പെട്ടെന്ന് ചൂടാകുകയും പൊട്ടിത്തെറിയ്ക്കുകയും ചെയ്ത സംഭവങ്ങളുടെ പശ്ചാത്തലത്തിലാണ് ഈ ലാപ്പ് ടോപ്പുകള്ക്ക് വിമാനങ്ങളില് വിലക്ക് ഏര്പ്പെടുത്തിയിരിക്കുന്നത്. മാത്രമല്ല, യാത്രക്കാരുടെ കൈവശമുള്ള ബാഗുകളില് മാക്ക് ബുക്ക് പ്രോ ലാപ്പ് ടോപ്പ് ഉണ്ടോ എന്ന് പരിശോധിയ്ക്കും. ഉണ്ടെങ്കില് അത് മാറ്റിയ ശേഷം മാത്രമേ യാത്രചെയ്യാനാകൂവെന്നും ഫ്ളൈ ദുബായ് അധികൃതര് അറിയിച്ചു
Post Your Comments