ഒരു സ്മാര്‍ട്ട്ഫോണ്‍, ടാബ്ലെറ്റ്, ലാപ്ടോപ്പ് അല്ലെങ്കില്‍ മറ്റെന്തെങ്കിലും ഇലക്ട്രോണിക് ഗാഡ്ജെറ്റുകളുടെ പ്രധാന വസ്തുവാണ് ബാറ്ററി ചാര്‍ജറുകള്‍. ബാറ്ററികളും ചാര്‍ജറുകളും ഇല്ലാത്ത ഇലക്ട്രോണിക് ഇനങ്ങള്‍ കൊള്ളരുതാത്തവയായിരിക്കും. ബാറ്ററിയുടെ ശേഷിയും റേറ്റിംഗും അനുസരിച്ച് വിവിധ തരം ചാര്‍ജറുകള്‍ ഉണ്ട്. ഈ ചാര്‍ജറുകളില്‍ ചില് ഉപകരണങ്ങള്‍ വേഗത്തില്‍ ചാര്‍ജ് ചെയ്യാന്‍ കഴിയും, മറ്റുള്ളവ സ്ലോ ആയിട്ട് ആയിരിക്കും ചാര്‍ജ് ചെയ്യാന്‍ കഴിയുന്നത്.
ഇവയ്ക്കെല്ലാം പൊതുവായുള്ളത്, അവയെല്ലാം ഗാര്‍ഹിക ഉപയോഗത്തിനും ഡൊമസ്റ്റിക് വോള്‍ട്ടേജ് വിതരണ സാഹചര്യങ്ങളിലും ഉപയോഗിക്കാന്‍ വേണ്ടി നിര്‍മ്മിച്ചിട്ടുള്ളതാണ്. ചാര്‍ജറുകളില്‍ തന്നെ ഇതിനെ കുറിച്ചുള്ള വിശദാംശങ്ങള്‍ എഴുതിയിട്ടുണ്ട്. ബാറ്ററി ചാര്‍ജറിലെ അടയാളങ്ങള്‍ നിങ്ങള്‍ എപ്പോഴെങ്കിലും ശ്രദ്ധിച്ചിട്ടുണ്ടോ? അവയില്‍ പലതും ഉണ്ട്, പക്ഷേ അവ ചിഹ്നങ്ങളിലാണെന്ന് മാത്രം. ആ ചിഹ്നങ്ങളുടെ അര്‍ത്ഥം നിങ്ങള്‍ അറിയേണ്ടതുണ്ട്.
READ ALSO: ബ്രെക്സിറ്റ് കരാറിന് സർക്കാർ ഉദാസീനത; ഒക്ടോബർ അവസാനം നിർണ്ണായക തീരുമാനം ഉണ്ടാകുമെന്ന് അധികൃതർ
ബാറ്ററി ചാര്‍ജറുകളില്‍ കാണുന്ന CE മാര്‍ക്ക് സൂചിപ്പിക്കുന്നത്, ഉല്‍പ്പന്നം ബാധകമായ എല്ലാ കമ്മീഷന്‍ നിര്‍ദ്ദേശങ്ങളും പാലിച്ചാണ് നിര്‍മ്മിച്ചിട്ടുള്ളതെന്നാണ്. ഈ ചാര്‍ജറിന്റെ എല്ലാ വിധ ഉത്തരാവാദിത്വങ്ങളും തങ്ങുടേതുമാത്രമായിരിക്കുമെന്നും ഈ ചിഹ്നം സൂചിപ്പിക്കുന്നുണ്ട്.
അതുപോലെ, ചാര്‍ജറിലെ ക്രോസ്ഡ് ഡസ്റ്റ്ബിന്‍ അടയാളം ഈ ഉല്‍പ്പന്നം ഡസ്റ്റ്ബിനില്‍ എറിയാന്‍ പാടില്ലെന്ന് സൂചിപ്പിക്കുന്നു. ഇത് ഇലക്ട്രോണിക് മാലിന്യമാണെന്നും അത് അനുസരിച്ച് സംസ്്കരിക്കേണ്ടതാണെന്നുമാണ് ഇത് സൂചിപ്പിക്കുന്നത്.
സുരക്ഷയെ സൂചിപ്പിക്കുന്ന മറ്റ് ചില അടയാളങ്ങളും കൂടി ചാര്‍ജറിലുണ്ട്.
ഉല്‍പ്പന്നത്തിന് ഇരട്ട ഇന്‍സുലേഷന്‍ (ആവരണം ചെയ്യുക) ഉണ്ടെന്ന് സൂചിപ്പിക്കുന്നതാണ് ഇരട്ട ചതുര ചിഹ്നം. ഇതിനര്‍ത്ഥം ഉല്‍പ്പന്നത്തിന്റെ സുരക്ഷ വളരെ വിശ്വസനീയമാണെന്നാണ്.
അതുപോലെ, ചാര്‍ജറിലെ പിസിടി ലോഗോ സൂചിപ്പിക്കുന്നത് GOST R മാനദണ്ഡങ്ങള്‍ക്ക് അനുസൃതമായി ഉല്‍പ്പന്നം രൂപകല്‍പ്പന ചെയ്ത് നിര്‍മ്മിച്ചതാണെന്നാണ്.
READ ALSO: ചന്ദ്രയാൻ ദൗത്യം; ഇന്ത്യയെ അഭിനന്ദിച്ച് പാകിസ്ഥാനി ഗവേഷക
റഷ്യയുടെ ഒരു രാജ്യാന്തര മാനദണ്ഡമാണ് GOST. യൂറോ-ഏഷ്യന്‍ കൗണ്‍സില്‍ ഫോര്‍ സ്റ്റാന്‍ഡേര്‍ഡൈസേഷന്‍, മെട്രോളജി, സര്‍ട്ടിഫിക്കേഷന്‍ (EASC) ഉയര്‍ത്തിപ്പിടിച്ച ചില സാങ്കേതിക മാനദണ്ഡങ്ങളെ ഇത് സൂചിപ്പിക്കുന്നു. ഇലക്ട്രോണിക് ഉപകരണങ്ങളുടെ മാനദണ്ഡങ്ങള്‍ക്കായുള്ള ഒരു പ്രാദേശിക ഓര്‍ഗനൈസേഷനാണ് ഇത്, കോമണ്‍വെല്‍ത്ത് ഓഫ് ഇന്‍ഡിപെന്‍ഡന്റ് സ്റ്റേറ്റ്‌സിന് കീഴില്‍ പ്രവര്‍ത്തിക്കുന്നു
‘വി’ ചിഹ്നം ഉപകരണങ്ങളുടെ കാര്യക്ഷമതയെ സൂചിപ്പിക്കുന്നു. അതേസമയം ഒരു വീടിന്റെ ചിഹ്നം സൂചിപ്പിക്കുന്നത് ഉപകരണങ്ങള്‍ ഇന്‍ഡോര്‍ ഉപയോഗത്തിന് മാത്രമാണെന്നും വ്യാവസായിക ആവശ്യങ്ങള്‍ക്കല്ലെന്നും എന്നതാണ്.
READ ALSO: ‘മഹാപരീക്ഷ’ യില്‍ വിജയിച്ച ഏറ്റവും പ്രായം കുറഞ്ഞ വ്യക്തിയായ പതിനാറുകാരനെ പ്രശംസിച്ച് പ്രധാനമന്ത്രി
Post Your Comments