കാക്കിനഡ: ഇന്ത്യയുമായി യുദ്ധമുണ്ടാക്കാൻ ശ്രമിച്ചാൽ പാകിസ്ഥാൻ ഭൂമുഖത്തുനിന്ന് തുടച്ചുനീക്കപ്പെടുമെന്ന് കേന്ദ്ര ആഭ്യന്തര സഹമന്ത്രി ജി. കിഷന്‍ റെഡ്ഡി. ആന്ധ്രാപ്രദേശിലെ കാക്കിനഡയില്‍ സംസാരിക്കുമ്പോഴാണ് അദ്ദേഹം ഇക്കാര്യം വ്യക്‌തമാക്കിയത്‌. യുദ്ധമുണ്ടായാല്‍ പിന്നെ പാകിസ്ഥാന് ലോകഭൂപടത്തിലുണ്ടാകില്ല. ഇമ്രാന്‍ ഖാന്‍റെയോ പാക്കിസ്ഥാന്‍ സൈന്യത്തിന്‍റെയോ ശബ്ദങ്ങള്‍ക്കു മുന്നില്‍ ആരും പേടിക്കില്ല. ഇന്ത്യയുടെ പ്രധാനമന്ത്രി അങ്ങനെ പേടിക്കുന്ന ഒരാളല്ലെന്നും അദ്ദേഹം വ്യക്തമാക്കി.
ഈ സര്‍ക്കാര്‍ രാജ്യത്തിന്‍റെ അഖണ്ഡതയും പരമാധികാരവും സംരക്ഷിക്കുന്ന സര്‍ക്കാരാണ്. ഇതു ദേശസ്നേഹമുള്ള സര്‍ക്കാരാണ്. ഉചിതമായ സമയമെത്തിയാല്‍ ഇന്ത്യ പാക് അധീന കാശ്മീര്‍ പിടിച്ചെടുക്കുമെന്നും മന്ത്രി കൂട്ടിച്ചേർത്തു.
Post Your Comments