Latest NewsNewsIndia

മാനനഷ്ടക്കേസ് : രാഹുൽ ​ഗാന്ധി കോടതിയിൽ ഹാജരാകാൻ എത്തി

സൂറത്ത്: മാനനഷ്ടക്കേസിൽ  ഹാജരാകാൻ കോൺഗ്രസ് നേതാവും,വയനാട് എംപിയുമായ രാഹുൽ ​ഗാന്ധി ഗുജറാത്തിലെ സൂറത്ത് കോടതിയിൽ എത്തി. ഏപ്രിൽ പതിമൂന്നിന് കര്‍ണാടകയിലെ കോളാറില്‍ തെരഞ്ഞെടുപ്പ് റാലിക്കിടെ രാഹുൽ ​ഗാന്ധി നടത്തിയ വിവാദപരാമര്‍ശത്തിനെതിരെ ബിജെപി എംഎൽഎ പൂർണേഷ് ആണ് കേസ് നൽകിയത്. എല്ലാ കള്ളന്മാരുടെ പേരിലും മോദിയുണ്ടെന്ന രാഹുൽ ​ഗാന്ധിയുടെ പ്രസ്താവന അപകീർത്തിയുണ്ടാക്കിയെന്നു പൂർണേഷ് മോദി ഹർജിയിൽ പറയുന്നു.

കള്ളന്മാരുടെയെല്ലാം പേരുകളില്‍ എങ്ങനെയാണ് മോദി എന്ന് വന്നത്. നരേന്ദ്ര മോദി, ലളിത് മോദി, നീരവ് മോദി എല്ലാവരുടേയും പേരില്‍ മോദിയുണ്ട്. ഇനി ഇതുപോലുള്ള എത്ര മോദിമാര്‍ വരാനുണ്ടെന്ന് പറയാന്‍ കഴിയില്ല’ എന്നതായിരുന്നു ഏപ്രിൽ പതിമൂന്നിന് നടത്തിയ പ്രസംഗത്തിൽ രാഹുൽ ഗാന്ധിയുടെ വിമർശനം. ഇതേ പരാമർശത്തിന്റെ പേരിൽ നേരത്ത ബിഹാർ ബിജെപി നേതാവ് സുശീൽ കുമാർ മോദി നൽകിയ അപകീർത്തിക്കേസിൽ പട്ന കോടതി രാഹുലിന് അന്ന് ജാമ്യം നൽകിയിരുന്നു.

shortlink

Related Articles

Post Your Comments

Related Articles


Back to top button