പാരദ്വീപ്: മൊബൈല് ഫോണ് പൊട്ടിത്തെറിച്ച് യുവാവ് മരിച്ചു. മൊബൈല് ഫോണ് ചാര്ജ് ചെയ്യുന്നതിനിടെയാണ് അപകടം ഉണ്ടായത്. ഒഡീഷയിലാണ് അപകടം. കെട്ടിട നിര്മാണ തൊഴിലാളിയായ ഗുണ പ്രധാന് (22) ആണ് മരിച്ചത്. പാരദ്വീപില് ഞായറാഴ്ച രാത്രിയാണ് സംഭവം.
ഫോണ് ചാര്ജുചെയ്യാന് വച്ചശേഷം തൊട്ടടുത്ത് കിടന്നുറങ്ങിയ യുവാവാണ് മരിച്ചത്. കെട്ടിട നിര്മാണ തൊഴിലാളികളായ മറ്റ് മൂന്നുപേരും യുവാവിനൊപ്പം കിടന്നുറങ്ങിയിരുന്നു. എന്നാല് ഗുണ പ്രധാന്റെ തലയ്ക്ക് സമീപമാണ് മൊബൈല് ഫോണ് ചാര്ജുചെയ്യാന് വച്ചിരുന്നതെന്ന് പി.ടി.ഐ വാര്ത്താ ഏജന്സി റിപ്പോര്ട്ടു ചെയ്തു. യുവാവ് സംഭവ സ്ഥലത്തുതന്നെ മരിച്ചു.
Read Also :ചാര്ജ്ജ് ചെയ്യുന്നതിനിടെ മൊബൈല് ഫോണ് പൊട്ടിത്തെറിച്ചു : യുവാവിന് പരിക്ക്
നയാഗഡ് ജില്ലയിലെ റാന്പുര് സ്വദേശിയാണ് മരിച്ച യുവാവ്. ട്രക്ക് ഉടമകളുടെ സംഘടന നിര്മ്മിക്കുന്ന ക്ഷേത്രത്തിന്റെ നിര്മാണ ജോലികള്ക്കാണ് യുവാവ് പാരദ്വീപില് എത്തിയതെന്ന് വാര്ത്താ ഏജന്സിയുടെ റിപ്പോര്ട്ടില് പറയുന്നു.
Post Your Comments