ദുബായ് : ഗൾഫ് രാജ്യങ്ങളിൽ ശക്തമായ മഴ പെയ്തു. പലയിടങ്ങളിലും റോഡില് വെളളം നിറഞ്ഞത് ഗതാഗതത്തിന് തടസമായി. യുഎഇയിൽ ഇടിമിന്നലോടെ പെയ്ത മഴ വിമാന സർവീസുകളെ ബാധിച്ചു. പ്രധാന ഷോപ്പിംഗ് മാളുകളിലടക്കം വെള്ളം കയറിയെന്ന റിപ്പോർട്ടുകളും പുറത്തു വരുന്നു. ദുബായ് മാളിലെ ചില ഷോപ്പുകളിലും മഴവെള്ളം കയറി. മുകൾഭാഗത്തു നിന്നുള്ള ചോർച്ച വഴി മഴവെള്ളം അകത്തേക്ക് കയറുന്നത് തടയാന് ജീവനക്കാർ രംഗത്തിറങ്ങി. സന്ദർശകർ പകർത്തിയ ഇതിന്റെ വീഡിയോ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. ഞായറാഴ്ച ഉച്ച മുതൽ വൈകുന്നേരം വരെ അബുദാബിയിൽ ചിലയിടങ്ങളിൽ മരങ്ങൾ കടപുഴകി വീഴുകയും, ലൂവ്ര് അബുദാബി മ്യൂസിയത്തിൽ വെള്ളം കയറുകയും ചെയ്തു. യുഎഇയിലെ ചില സ്ഥലങ്ങളിൽ റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്.
ഒമാന്റെ വടക്കൻ മേഖലയിൽ ശക്തമായ കാറ്റും മഴയും തുടരുന്നു. ക്കൻ ഇറാനിൽ രൂപംകൊണ്ട തീവ്രമായ ന്യൂനമർദ്ദത്തിന്റെ ഫലമായാണ് ഒമാന്റെ വടക്കൻ മേഖലകളിൽ ശക്തമായ കാറ്റും മഴയും തുടരുവാൻ കാരണം. ബാത്തിന, ബുറൈമി , ദാഹിരാ, ദാഖിലിയ എന്നി ഗവര്ണറേറ്റുകളിൽ ആണ് കനത്ത മഴ പെയ്യുന്നത്. ശക്തമായ പൊടിക്കാറ്റിനെ തുടർന്ന് ദൂരക്കാഴ്ചക്ക് ഉണ്ടായ തടസ്സം നിരത്തുകളിലെ വാഹന ഗതാഗതത്തെ പ്രതികൂലമായി ബാധിച്ചു. ഇന്നും നാളെയും മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രം നൽകിയ മുന്നറിയിപ്പ്.
Also read :ഓഖി, ഫോനി, വായു, മഹാ; ചുഴലിക്കാറ്റുകള്ക്ക് നിങ്ങള്ക്കും പേരിടാം
Post Your Comments