Latest NewsNewsSaudi ArabiaGulf

സൗദിയില്‍ പ്രവാസികള്‍ ഏറ്റവും കൂടുതലുള്ള ഈ മേഖലയില്‍ സ്വദേശീവത്ക്കരണം ആരംഭിച്ചു

സൗദി : സൗദിയില്‍ പ്രവാസികള്‍ ഏറ്റവും കൂടുതലുള്ള ഈ മേഖലയില്‍ സ്വദേശീവത്ക്കരണം ആരംഭിച്ചു. സ്വകാര്യ ടാക്സി മേഖലയിലാണ് സ്വദേശിവല്‍ക്കരണത്തിന് തുടക്കമാകുന്നത്. ആദ്യ ഘട്ടം അടുത്ത മാസം ആദ്യ മുതല്‍ നടപ്പിലാകും. രാജ്യത്ത് നടക്കുന്ന പൊതു പരിപാടികളിലേക്കും അഘോഷ പരിപാടികളിലേക്കുമുള്ള ടാക്സി സര്‍വീസുകളിലാണ് ആദ്യ ഘട്ടത്തില്‍ സ്വദേശിവല്‍ക്കരണം നിര്‍ബന്ധമാക്കുക. രണ്ടായിരത്തി ഇരുപത്തിയൊന്നോടെ ഈ മേഖലയില്‍ സമ്പൂര്‍ണ്ണ സ്വദേശി വല്‍ക്കരണവും നടപ്പിലാക്കും.

പദ്ധതി നടപ്പിലാക്കുന്നതുമായി ബന്ധപ്പെട്ട് പബ്ലിക് ട്രാന്‍സ്പോര്‍ട്ട് അതോറിറ്റിയും തൊഴില്‍ സാമൂഹ്യ വികസന മന്ത്രാലയവും തമ്മില്‍ ധാരണയിലെത്തി. സ്വദേശി വല്‍ക്കരണം നടപ്പിലാക്കുന്നതിന് സ്വകാര്യ ടാക്സി കമ്പനികള്‍ക്ക് അനുവദിച്ച സമയം ഈ മാസത്തോടെ അവസാനിക്കും. ജനുവരി മുതല്‍ രാജ്യത്തെ പൊതു പരിപാടികളിലേക്കും ആഘോഷ പരിപാടികളിലേക്കുമുള്ള ടാക്സി സര്‍വീസുകളെ സ്വദേശികള്‍ക്ക് മാത്രമാക്കി നിയന്ത്രിക്കും.

ഘട്ടം ഘട്ടമായി ഈ മേഖലയില്‍ സ്വദേശി വല്‍ക്കരണം ഉയര്‍ത്തി സമ്പൂര്‍ണ്ണ സ്വദേശിവല്‍ക്കരണം നടപ്പിലാക്കാനാണ് പദ്ധതി. രണ്ടായിരത്തി ഇരുപത് അവസാനിക്കുന്നതോടെ സ്വകാര്യ ടാക്സി മേഖലയില്‍ സമ്പൂര്‍ണ്ണ സ്വദേശി വല്‍ക്കരണം നടപ്പിലാക്കും.

shortlink

Related Articles

Post Your Comments

Related Articles


Back to top button