ഓഹരി വിപണിയിൽ ഇടിവ് : ഇന്നത്തെ വ്യാപാരം നഷ്ടത്തിൽ അവസാനിച്ചു

മുംബൈ : കഴിഞ്ഞ ദിവസത്തെ നേട്ടം നിലനിർത്താനാകാതെ നാലാം വ്യാപാര ദിനത്തിൽ ഓഹരി വിപണി അവസാനിച്ചത് നഷ്ടത്തിൽ. സെൻസെക്സ് 106.11 പോയിന്റ് താഴ്ന്നു 41,459.79ലും നിഫ്റ്റി 26.50 പോയിന്റ് നഷ്ടത്തിലുമാണ് വ്യാപാരം അവസാനിച്ചത്. ബിഎസ്ഇയിലെ 1044 കമ്പനികളുടെ ഓഹരികള്‍ നേട്ടത്തിലും 1400 ഓഹരികള്‍ നഷ്ടത്തിലുമായപ്പോൾ 159 ഓഹരികള്‍ മാറ്റമില്ല.

ചില ഓഹരികളിലുണ്ടായ ലാഭമെടുപ്പും വിപണിയെ ബാധിച്ചു. ലോഹം, വാഹനം, അടിസ്ഥാന സൗകര്യവികസനം, ഊര്‍ജം എന്നീ വിഭാഗങ്ങളിലെ ഓഹരികളും നഷ്ടത്തിലായിരുന്നു. ഐടി, ഫാര്‍മ ഓഹരികളില്‍ വാങ്ങല്‍ താല്‍പര്യം പ്രകടമായിരുന്നു.

യെസ് ബാങ്ക്, ഡോ.റെഡ്ഡീസ് ലാബ്, സീ എന്റര്‍ടെയന്‍മെന്റ്, ടൈറ്റാന്‍ കമ്പനി, എസ്ബിഐ എഫ്എംസിജി, പൊതുമേഖല ബാങ്ക് ഓഹരികളും നേട്ടത്തിലും ഇന്റസിന്‍ഡ് ബാങ്ക്, ഐസിഐസിഐ ബാങ്ക്, എന്‍ടിപിസി, ടാറ്റ സ്റ്റീല്‍, കൊട്ടക് മഹീന്ദ്ര ബാങ്ക് തുടങ്ങിയ ഓഹരികള്‍ നഷ്ടത്തിലുമാണ് വ്യാപാരം അവസാനിപ്പിച്ചത്