ബര്‍ലിന്‍: ജര്‍മന്‍ ചാന്‍സലര്‍ ആംഗല മെര്‍ക്കല്‍ പൊതു പരിപാടിക്കിടെ തന്‍റെ മന്ത്രിക്ക് ഹസ്തദാനം നല്‍കാനായി കൈയുയര്‍ത്തിയെങ്കിലും മന്ത്രി സ്നേഹപൂര്‍വം നിരസിച്ചത് കൊറോണ ഭയം കൊണ്ടാണെന്ന് റിപ്പോർട്ട്. ഈ സംഭവം കാഴ്ചക്കാർക്ക് കൗതുകമായി.
ബര്‍ലിനില്‍ കുടിയേറ്റം സംബന്ധിച്ച് നടന്ന യോഗത്തില്‍ പങ്കെടുക്കാനെത്തിയപ്പോഴാണ് മന്ത്രി ഹോര്‍സ്റ്റ് സീഹോബറും മെര്‍ക്കലും പരസ്പരം കണ്ടുമുട്ടിയത്. മെര്‍ക്കല്‍ കൈകൊടുക്കാനായി ശ്രമിച്ചപ്പോള്‍ കൈയുയര്‍ത്താതെ ചിരിച്ചുകൊണ്ടിരിക്കുകയായിരുന്നു മന്ത്രി.
ALSO READ: കൊറോണയെ നേരിടാന്‍ ശുചിയോടെയിരിക്കൂ; ജാഗ്രതാ നിര്‍ദേശങ്ങള്‍
അതേസമയം ജര്‍മനിയില്‍ ഇതുവരെ 157 പേര്‍ക്ക് കൊണോറ രോഗബാധ സ്ഥിരീകരിച്ചു. 16 സംസ്ഥാനങ്ങളില്‍ 10 എണ്ണത്തിലും രോഗബാധിതരുടെ സാന്നിധ്യം കണ്ടെത്തി. രോഗപ്രതിരോധത്തിന്‍റെ ഭാഗമായി ഹസ്തദാനം നടത്തുന്നത് പരമാവധി ഒഴിവാക്കണമെന്ന് രാജ്യത്തെ ആരോഗ്യ വിദഗ്ധര്‍ അഭിപ്രായപ്പെട്ടിരുന്നു.
Post Your Comments