പത്തനംതിട്ട: കോവിഡ് 19 സംശയത്തെ തുടര്‍ന്ന് പത്തനംതിട്ടയില്‍ നിരീക്ഷണത്തിലായിരുന്ന തമിഴ്നാട് സ്വദേശിയെ കാണാനില്ല. വാടകയ്ക്ക് താമസിച്ചിരുന്ന ഇയാൾ അനുവാദം ഇല്ലാതെ മുങ്ങുകയായിരുന്നു. അതേസമയം മധുരയില്‍ എത്തിയതായി സുഹൃത്തിനെ വിളിച്ച്‌ അറിയിച്ചിട്ടുണ്ടെന്ന് പഞ്ചായത്ത് പ്രസിഡന്റ് അറിയിച്ചു.
ഇതിനിടെ ചൈനയില്‍ നിന്നെത്തി വീട്ടില്‍ നിരീക്ഷണത്തില്‍ കഴിയുന്ന പത്തനംതിട്ട സ്വദേശിയായ വിദ്യാര്‍ത്ഥിയുടെ അച്ഛന്‍ മരിച്ചത് കോവിഡ് വൈറസ് ബാധിച്ചല്ലെന്ന് കണ്ടെത്തിയിരുന്നു. മറ്റ് രോഗങ്ങള്‍ക്ക് കൊച്ചിയില്‍ ചികിത്സയിലിരിക്കെയാണ് ഇയാള്‍ മരിച്ചത്. സംസ്‌കാരം ഉള്‍പ്പടെയുള്ള ചടങ്ങുകള്‍ പ്രോട്ടോകള്‍ പ്രകാരം നടത്തും.
Post Your Comments