ശ്രീനഗര്‍: ജമ്മുകാഷ്മീരിലെ കുല്‍ഗാമില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടി. കുല്‍ഗാമിലെ മന്‍സ്ഗാമിലാണ് സംഭവം. ഇവിടെ ഭീകരര്‍ ഒളിച്ചിരിക്കുന്നുവെന്ന വിവരത്തേത്തുടര്‍ന്ന് സൈന്യം തെരച്ചില്‍ നടത്തിയിരുന്നു. വെടിവയ്പ്പില്‍ രണ്ടു ഭീകരരെ സൈന്യം വധിച്ചു.
ജമ്മുകശ്മീര്‍ പോലീസിന്റെ ഔദ്യോഗിക ട്വിറ്റര്‍ അക്കൗണ്ടില്‍, ഈയിടെ മൂന്നു കശ്‍മീരി പൗരന്മാരെ വധിച്ച അതെ സംഘടനാ തന്നെയാണ് ഈ ഏറ്റുമുട്ടലിനു പുറകിലെന്നും വെളിപ്പെടുത്തിയിട്ടുണ്ട്.
ഈ തെരച്ചിലിനിടെ ഭീകരര്‍ നിറയൊഴിക്കുകയായിരുന്നുവെന്നാണ് വിവരം. ഭീകരരുടെ ഒളിത്താവളം സൈന്യം പൂര്‍ണമായും വളഞ്ഞതായാണ് വിവരം.സുരക്ഷാസേനയും ജമ്മു കശ്മീര്‍ പൊലീസും സംയുക്തമായാണ് തിരച്ചില്‍ നടത്തുന്നത്.
കഴിഞ്ഞ ദിവസം മൂന്നു സിവിലിയന്മാരെ തീവ്രവാദികള്‍ വധിച്ചിരുന്നു. ഏറ്റുമുട്ടലുമായി ബന്ധപ്പെട്ട് കൂടുതല്‍ വിവരങ്ങള്‍ ലഭ്യമല്ല.
Post Your Comments