ന്യൂഡല്ഹി: കറന്സി നോട്ട് ഉപയോഗിച്ച് മൂക്കും വായും തുടയ്ക്കുകയും നോട്ടില് നക്കുകയും ചെയ്യുന്ന വീഡിയോ ടിക് ടോക്കിലൂടെ പ്രചരിപ്പിച്ച യുവാവ് അറസ്റ്റിൽ. മഹാരാഷ്ട്രയിലെ മലേഗാവ് സ്വദേശിയായ സയ്യാദ് ജാമില് ബാബുവാണ് അറസ്റ്റിലായത്. ഈ വീഡിയോ ടിക് ടോക്കിലൂടെ ഇയാൾ പ്രചരിപ്പിച്ചിരുന്നു. കൊറോണ വൈറസിന് ഇന്ത്യയിലേയ്ക്ക് സ്വാഗതം എന്ന തലക്കെട്ടിലാണ് ഇയാള് വീഡിയോ ടിക് ടോക്കില് പ്രചരിപ്പിച്ചത്. ദൈവികമായ ശിക്ഷയാണ് കൊറോണ വൈറസ് എന്നും ഇത് തടയാനാവില്ലെന്നും ഇയാള് പറയുന്നുണ്ട്.
Read also: കൊറോണ ബാധിതയായ യുവതി ആണ്കുഞ്ഞിന് ജന്മം നല്കി; കുഞ്ഞിന്റെ ആരോഗ്യനിലയെക്കുറിച്ച് ഡോക്ടർമാർ
ഇന്ത്യന് ശിക്ഷാനിയമത്തിലെ 153, 188 വകുപ്പുകളാണ് ഇയാള്ക്കെതിരെ ചുമത്തിയിരിക്കുന്നത്. വീഡിയോ സോഷ്യല് മീഡിയയില് വൈറലായതോടെ സൈബര് ക്രൈം വിഭാഗം ഇതിന്റെ ഉറവിടം അന്വേഷിക്കുകയും പ്രതിയെ കണ്ടെത്തുകയുമായിരുന്നു. തുടര്ന്നാണ് അറസ്റ്റ് ചെയ്തത്.
Post Your Comments