Latest NewsNewsInternational

മൃഗങ്ങളിലേക്കും കോവിഡ് പടരുന്നു; കടുവയ്ക്കും വൈറസ് ബാധ സ്ഥിരീകരിച്ചു

ന്യൂയോര്‍ക്ക്: മൃഗങ്ങളിലേക്കും കോവിഡ് പടരുന്നു. ബ്രോണ്‍ക്സ് മൃഗശാലയിലെ നാലുവയസ് പ്രായമായ കടുവയ്ക്കാണ് വൈറസ് ബാധ സ്ഥിരീകരിച്ചിരിക്കുന്നത്. നാദിയ എന്ന മലയന്‍ കടുവയ്ക്കാണ് കോവിഡ് ബാധ. മൃഗശാലയിലെ ആറ് കടുവകളും ഒരു സിംഹവും ഇതിനോടകം അസുഖ ബാധിതരാണ്. അതേസമയം ഈ മൃഗങ്ങളെ ബാധിച്ചിരിക്കുന്നത് കൊറോണ വൈറസ് ആണോയെന്ന് സ്ഥിരീകരിച്ചിട്ടില്ല. രോഗലക്ഷണങ്ങള്‍ കാണിച്ചിട്ടില്ലാത്ത മൃഗശാല സൂക്ഷിപ്പുകാരനില്‍ നിന്നാണ് കടുവയ്ക്ക് വൈറസ് ബാധിച്ചതെന്നാണ് സൂചന.

Read also: പത്തനംതിട്ടയില്‍ വിദ്യാര്‍ത്ഥിനിക്ക് രോഗം സ്ഥിരീകരിച്ചത് നിരീക്ഷണ സമയ പരിധി അവസാനിച്ച ശേഷം; രോഗലക്ഷണവും കാണിച്ചില്ല; ആശങ്കയായി പുതിയ കേസ്

യുഎസ് ഡിപ്പാര്‍ട്ട്മെന്‍റ് ഓഫ് അഗ്രികള്‍ച്ചറിലാണ് നാദിയയുടെ സ്രവ പരിശോധന പൂർത്തിയായത്. രോഗബാധിതരായ മൃഗങ്ങള്‍ ആരോഗ്യവാന്‍മാരാണ്. മനുഷ്യരില്‍ നിന്ന് മൃഗങ്ങളിലേക്ക് കൊറോണ വൈറസ് പടര്‍ന്നതായി കുറച്ച് സംഭവങ്ങൾ മാത്രമേ റിപ്പോർട്ട് ചെയ്‌തിട്ടുള്ളു. അമേരിക്കയില്‍ ഇത്തരത്തില്‍ മൃഗങ്ങളിലേക്ക് വൈറസ് പടര്‍ന്ന ആദ്യത്തെ സംഭവമാണ് ഇത്.

Tags

Related Articles

Post Your Comments


Back to top button
Close
Close