തിരുവനന്തപുരം: ജീവൻരക്ഷാ മരുന്നുകൾ പ്രവാസികള്‍ക്ക് നാട്ടില്‍ നിന്നും വിദേശത്ത് എത്തിക്കാന്‍ നോര്‍ക്ക റൂട്ട്സ് വഴിയൊരുക്കി. കാര്‍ഗോ സര്‍വീസ് വഴിയാണ് മരുന്നുകള്‍ അയക്കുക,, ആരോഗ്യ വകുപ്പാണ് അടിയന്തര സ്വഭാവമുള്ള രോഗങ്ങള്‍, മരുന്നുകള്‍ എന്നിവ നിശ്ചയിക്കുക. മരുന്നുകള്‍ അയക്കാന്‍ പ്രവാസിയുടെ ബന്ധുക്കള്‍ കസ്റ്റംസ് ഡ്രഗ് ഇന്‍സ്‌പെക്ടറുടെ എന്‍.ഒ.സി. വാങ്ങണം.
കൂടാതെ എന്‍.ഒ.സിക്കായി അപേക്ഷക്കൊപ്പം മരുന്ന് അയക്കുന്നയാളുടെ സ്വയം സാക്ഷ്യപ്പെടുത്തിയ തിരിച്ചറിയല്‍ രേഖ, ഡോക്ടറുടെ കുറിപ്പടി, മരുന്നിന്റെ ബില്ല്, മരുന്നിന്റെ ഫോട്ടോ, എന്നിവ [email protected] ലേക്ക് മെയില്‍ അയക്കുക.
എന്നാൽ എന്‍.ഒ.സി. ലഭിച്ച ശേഷം മരുന്നുകള്‍ മുകളില്‍ പറഞ്ഞ രേഖകള്‍ സഹിതം അയാട്ട(IATA) അംഗീകാരമുള്ള കാര്‍ഗോ ഏജന്റിനെ ഏല്‍പ്പിക്കുക. കാര്‍ഗോ സേവനം ലഭ്യമായ രാജ്യങ്ങളിലേക്ക് മാത്രമെ മരുന്ന് അയക്കാന്‍ സാധിക്കു. എന്‍.ഒ.സി അപേക്ഷയുടെ മാതൃക നോര്‍ക്ക റൂട്ട്സ് വെബ്‌സൈറ്റ് www.norkaroots.org ല്‍ ലഭിക്കും. സര്‍വീസുകള്‍ ആരംഭിക്കുന്നമുറയ്ക്ക് കൊറിയര്‍ വഴിയും മരുന്നുകള്‍ അയക്കാം.
Post Your Comments