Latest NewsNewsIndia

അഞ്ചുവയസുകാരന്‍ തനിച്ച് ഡല്‍ഹിയില്‍ നിന്ന് ബെംഗളൂരുവിലേക്ക് പറന്നു: മൂന്ന് മാസത്തിന് ശേഷം അമ്മയെ കണ്ടു

ബെംഗളൂരു • കൊറോണ വൈറസ് ലോക്ക്ഡൗൺ കാരണം രണ്ട് മാസത്തിന് ശേഷം രാജ്യത്തുടനീളം ആഭ്യന്തര വിമാന സർവീസുകൾ പുനരാരംഭിച്ചപ്പോൾ, “പ്രത്യേക വിഭാഗം” ടിക്കറ്റുമായി ബെംഗളൂരു വിമാനത്താവളത്തില്‍ എത്തിയ കൊച്ചുകുട്ടി ഇന്നത്തെ ഏറ്റവും മനോഹരമായ കാഴ്ചകളിലൊന്നാണ്.

അഞ്ച് വയസുകാരന്‍ വിഹാന്‍ ശര്‍മ ഡല്‍ഹിയില്‍ നിന്ന് ഒറ്റയ്ക്ക് യാത്ര ചെയ്താണ് ബെംഗളൂരുവിലെത്തിയത്. മൂന്ന് മാസത്തിന് ശേഷമാണ് അവന്‍ തന്റെ അമ്മയെ കാണുന്നത്.

“എന്റെ അഞ്ചുവയസ്സുള്ള മകൻ വിഹാൻ ഡല്‍ഹി നിന്ന് ഒറ്റയ്ക്ക് യാത്ര ചെയ്താണ് എത്തിയത്. മൂന്ന് മാസത്തിന് ശേഷം അവന്‍ ബെംഗളൂരുവിലേക്ക് തിരിച്ചെത്തി,” അമ്മ വാർത്താ ഏജൻസിയായ എ.എൻ.ഐയോട് പറഞ്ഞു. മഞ്ഞ നിറത്തിലുള്ള മാസ്കും നീല കൈയുറകളും ധരിച്ചെത്തിയ കുഞ്ഞുവിഹാനെ അമ്മ കൂട്ടിക്കൊണ്ടുപോകുന്നത് ചിത്രത്തില്‍ കാണാം.

കൊറോണ വൈറസിന്റെ ശൃംഖല തകർക്കുന്നതിനായി രാജ്യം ലോക്ക്ഡൗണിലേക്ക് പോയതിന് ശേഷം ആദ്യമായി ആഭ്യന്തര വിമാനങ്ങള്‍ തിങ്കളാഴ്ച സർവീസ് നടത്തി. എല്ലാ വിമാനങ്ങളും ട്രെയിനുകളും സര്‍വീസ് നിര്‍ത്തിയപ്പോള്‍ പലരും വിവിധ സ്ഥലങ്ങളില്‍ കുടുങ്ങി.

ബെംഗളൂരു, മെയ് 25: കൊറോണ വൈറസ് ലോക്ക്ഡൗൺ കാരണം രണ്ട് മാസത്തിന് ശേഷം രാജ്യത്തുടനീളം ആഭ്യന്തര വിമാന സർവീസുകൾ പുനരാരംഭിച്ചപ്പോൾ, ബെംഗളൂരു വിമാനത്താവളത്തിലെ ഒരു പ്രത്യേക കുട്ടി “പ്രത്യേക വിഭാഗം” ടിക്കറ്റുമായി അന്നത്തെ ഏറ്റവും മനോഹരമായ കാഴ്ചകളിലൊന്നാണ്.

ഇന്ന് രാവിലെ 9 വരെ ബെംഗളൂരുവിലേക്ക് അഞ്ച് വിമാനങ്ങളാണ് എത്തിയത്. ഇവിടെ നിന്നും 17 വിമാനങ്ങള്‍ വിവിധ നഗരങ്ങളിലേക്ക് പുറപ്പെടുകയും ചെയ്തു. വിഹാന്റെ വിമാനം അക്കൂട്ടത്തിലുണ്ടായിരുന്നു. ഒമ്പത് വിമാനങ്ങൾ റദ്ദാക്കി.

വിവിധ സംസ്ഥാന സർക്കാരുകളുമായി നീണ്ട ചര്‍ച്ചകള്‍ നടത്തിയ ശേഷമാണ് വ്യോമയാന മന്ത്രി ഹർദീപ് സിംഗ് പുരി ആഭ്യന്തര വിമാന സര്‍വീസുകള്‍ പുനരംഭിക്കാന്‍ തീരുമാനമെടുത്തത്.

Tags

Related Articles

Post Your Comments


Back to top button
Close
Close