ഇന്ത്യയിലും കംബോഡിയയിലുമുള്ള 1000 ശിവലിംഗങ്ങളുടെ പിന്നിലെ രഹസ്യം വെളിപ്പെടുത്തി നരവംശ സാസ്ത്രജ്ഞര്‍. രാജ്യത്തെ പ്രധാന തീര്‍ത്ഥാടന കേന്ദ്രവും വിനോദസഞ്ചാര കേന്ദ്രവുമാണ് കര്‍ണാടകയിലുള്ള സഹസ്ര ലിംഗ തീര്‍ഥാടനകേന്ദ്രം. രാജ്യത്തെ പ്രധാന തീര്‍ത്ഥാടന കേന്ദ്രങ്ങളിലൊന്നായ ഈ സ്ഥലം സിര്‍സി പട്ടണത്തിലെ ഷാല്‍മല നദിയുടെ മധ്യത്തിലാണ് സ്ഥിതി ചെയ്യുന്നത്. ഷാല്‍മലയുടെ തീരത്തുള്ള പാറകളില്‍ കൊത്തിയെടുത്ത 1000 ശിവലിംഗങ്ങള്‍ക്ക് പേരുകേട്ട സ്ഥലമാണിത്. ഇവിടുത്തെ കൊത്തുപണികള്‍ പ്രശസ്തമാണ്.
ഹെഡ് ബ്രിഡ്ജ്’ എന്നര്‍ഥമുള്ള കബാല്‍ സ്പീന്‍ എന്നും അറിയപ്പെടുന്ന കമ്പോഡിയന്‍ സഹസ്രലിംഗ 1969-ല്‍ ജീന്‍ ബോള്‍ബെറ്റ് എന്ന നരവംശശാസ്ത്രജ്ഞന്‍ ആണ് കണ്ടെത്തിയത്. എന്നാല്‍ കംബോഡിയന്‍ ആഭ്യന്തരയുദ്ധം കാരണം, ഈ സ്ഥലം ഏകദേശം 20 വര്‍ഷത്തിനുശേഷം മാത്രമാണ് സന്ദര്‍ശിക്കാന്‍ സുരക്ഷിതമെന്ന് പ്രഖ്യാപിച്ചത്. ഈ മനോഹരമായ സൈറ്റ് ഇപ്പോള്‍ ജനപ്രിയ ടൂറിസ്റ്റ് കേന്ദ്രമാണ്. ഇന്ത്യയ്ക്ക് പുറത്തുള്ള ഏറ്റവും വലിയ ഹിന്ദു ക്ഷേത്രമായി കണക്കാക്കപ്പെടുന്ന അങ്കോര്‍ വാട്ടില്‍ നിന്ന് 25 കിലോമീറ്റര്‍ അകലെയാണ് കംബോഡിയന്‍ സഹസ്രലിംഗ നിലകൊള്ളുന്നത്. ഇവിടെയും നദിക്കരയില്‍ കൊത്തിയെടുത്ത ആയിരം ശിവലിംഗങ്ങളുണ്ട്, എന്നാല്‍ ഇത് ഇന്ത്യയിലേത് പോലെ ഒരു തീര്‍ത്ഥാടനകേന്ദ്രം അല്ല.
ചരിത്രത്തെ സംബന്ധിച്ചിടത്തോളം, ഈ ശിവലിംഗങ്ങള്‍ എപ്പോള്‍ കൊത്തിയെന്നും അതിന്റെ പിന്നിലെ ഉദ്ദേശ്യമെന്താണെന്നും വസ്തുതാപരമായതൊന്നും ആര്‍ക്കും അറിയില്ല.പ്രദേശവാസികളുടെ വിശ്വാസമനുസരിച്ച്, ഈ ശിവലിംഗങ്ങള്‍ പ്രകൃതി തന്നെ നിര്‍മിച്ചതാണെന്നും പറയപ്പെടുന്നു. മാത്രമല്ല, ശിവലിംഗങ്ങളില്‍ നിന്ന് ഒഴുകുന്ന വെള്ളം നെല്‍വയലുകളില്‍ എത്തുമ്പോള്‍ അവ കൂടുതല്‍ ഫലഭൂയിഷ്ഠമാകുമെന്നും അവര്‍ വിശ്വസിക്കുന്നു.
എല്ലാ വര്‍ഷവും മഹാ ശിവരാത്രിയുടെ പുണ്യകര്‍മത്തില്‍ രാജ്യമെമ്പാടുമുള്ള ഭക്തര്‍ ശിവ പൂജ നടത്താന്‍ ഈ സ്ഥലം സന്ദര്‍ശിക്കുന്നു. ആയിരം ശിവലിംഗങ്ങളിലെ പലതും നദിയുടെ അടിത്തട്ടിലാണ്. വെള്ളത്തിന്റെ നില താഴുമ്പോള്‍ മാത്രമാണ് അവയൊക്കെയും പ്രത്യക്ഷപ്പെടുന്നത്.
Post Your Comments