കോട്ടയം: കോട്ടയം ജില്ലാ പഞ്ചായത്ത് പ്രസിഡന്റ് പദവി കൈമാറ്റവുമായി ബന്ധപ്പെട്ട് കേരളാ കോണ്ഗ്രസിൽ തർക്കം മുറുകുന്നു. യുഡിഎഫ് കണ്വീനര് ബെന്നി ബെഹനാനുമായുള്ള കൂടിക്കാഴ്ചയ്ക്ക് ശേഷവും രാജിവയ്ക്കില്ലെന്ന നിലപാടില് ജോസ് കെ മാണി ഉറച്ചുനില്ക്കുകയാണ്.
ഇക്കാര്യത്തില് ജോസഫ് വിഭാഗവുമായി ധാരണയില്ലെന്നും പാലായിലെ തോല്വിക്ക് കാരണക്കാരായവര്ക്ക് സീറ്റ് ഒഴിഞ്ഞുകൊടുക്കാനാകില്ലെന്നും ജോസ് കെ മാണി യുഡിഎഫ് നേതൃത്വത്തെ അറിയിച്ചു. രാജിവയ്ക്കാന് പി ജെ ജോസഫ് മുന്നോട്ടുവച്ച സമയപരിധി ഇന്നലെയാണ് അവസാനിച്ചത്.
പി ജെ ജോസഫും ജോസ് കെ മാണിയും നിലവില് നിലപാടില് അയവ് വരുത്തിയിട്ടില്ല. പാര്ട്ടി രണ്ടായി പിരിഞ്ഞതിന് പിന്നാലെ കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനം ആദ്യ എട്ട് മാസം ജോസ് കെ മാണി വിഭാഗത്തിനും പിന്നീടുള്ള ആറ് മാസം ജോസഫ് വിഭാഗത്തിനും എന്ന് ധാരണയായിരുന്നു. എന്നാല് 10 മാസം പിന്നിടുമ്പോഴും ജോസ് കെ മാണി വിഭാഗം സ്ഥാനം ഒഴിഞ്ഞിരുന്നില്ല. ഇതാണ് നിലവില് തര്ക്കങ്ങള്ക്ക് കാരണമായിരിക്കുന്നത്.
Post Your Comments