മുംബൈ • ഏഷ്യയിലെ ഏറ്റവും വലിയ ചേരിയും കോവിഡ് -19 ഹോട്ട് സ്പോട്ടുകളില് ഒന്നുമായ മുംബൈയിലെ ധാരാവി ഒടുവില് കോവിഡ് കര്വ് നേരെയാക്കുന്നതിന്റെ ലക്ഷണം കാണിക്കുന്നു. കാരണം സജീവമായ കോവിഡ് കേസുകളുടെ എണ്ണം ഇപ്പോൾ ഡിസ്ചാർജ് ചെയ്ത ആളുകളുടെ എണ്ണത്തേക്കാൾ കുറവാണ്. കഴിഞ്ഞ 6 ദിവസത്തിനുള്ളിൽ ഈ പ്രദേശത്ത് ഒരു മരണം പോലും റിപ്പോര്ട്ട് ചെയ്യപ്പെട്ടിട്ടില്ല. ആകെ 1,899 കേസുകളില് 939 പേര് സുഖം പ്രാപിച്ചു.
സജീവമായ കേസുകളുടെ എണ്ണം 889 ആയി കുറഞ്ഞു. സജീവമായ കേസുകളുടെ എണ്ണം 889 ആയി കുറഞ്ഞു. അതേസമയം, ഇതുവരെ മരിച്ചത് 71 പേരാണ്.
മഹാരാഷ്ട്ര സർക്കാർ പുറത്തുവിട്ട കണക്കുകൾ പ്രകാരം കേസുകളുടെ എണ്ണവും ജൂൺ 1 (34) മുതൽ ജൂൺ 6 വരെ കുറഞ്ഞിട്ടുണ്ട്. ഇന്ന് 10 കേസുകള് മാത്രമാണ് റിപ്പോര്ട്ട് ചെയ്തത്.
നിലവിൽ, ധാരവിയുടെ കോവിഡ് ഇരട്ടിപ്പിക്കൽ നിരക്ക് 33-34 ദിവസമാണ്.
ഏപ്രിൽ ഒന്നിനാണ് ധരവി ആദ്യ കേസ് റിപ്പോർട്ട് ചെയ്തത്, അതിനുശേഷം മഹാരാഷ്ട്രയിലെ ചർച്ചാവിഷയങ്ങളിലൊന്നായി ഈ ചേരി മാറി.
മേഖലയിലെ കോവിഡ് -19 കേസുകളുടെ എണ്ണം കുറയ്ക്കാൻ മുനിസിപ്പൽ കോർപ്പറേഷൻ ശ്രമം നടത്തി. വൈറസ് ലക്ഷണങ്ങളുള്ള രോഗികളെയും വൈറസിന് ഇരയാകാനുള്ള സാധ്യത കൂടുതലുള്ളവരെയും വേർതിരിക്കുന്നതിനായി അവർ ഏകദേശം 6-7 ലക്ഷം ആളുകളെ പരിശോധിച്ചു.
പരിശോധന നടത്തിയ ഏഴ് ലക്ഷം പേരില് നിന്ന് 8,500 ഓളം പേരെ ക്വാറന്റൈന് ചെയ്തു. ഇത് രോഗികളെ നേരത്തേ കണ്ടെത്തുന്നതിനും ചികിത്സിക്കുന്നതിനും ഡിസ്ചാർജ് ചെയ്യുന്നതിനും സഹായിച്ചു. ഈ പ്രക്രിയ മരണ നിരക്ക് കുറയ്ക്കാൻ സഹായിച്ചുവെന്നും ജി-നോർത്ത് വാർഡിലെ അസിസ്റ്റന്റ് മുനിസിപ്പൽ കമ്മീഷണർ കിരൺ ദിഘവ്കർ പറഞ്ഞു.
കൂടാതെ, ലോക്ക്ഡൗണ് സമയത്ത് കർശന നടപടികൾ പാലിക്കാൻ മുംബൈ പോലീസ് നടത്തിയ ശ്രമവും കോവിഡിനെ പിടിച്ചുകെട്ടാന് ധാരാവിയെ സഹായിച്ചു.
Post Your Comments