വാഷിംഗ്ടണ് ടിക്ടോക്ക് ഉള്പ്പെടെയുള്ള ചൈനീസ് മൊബൈല് ഫോണ് ആപ്ലിക്കേഷനുകള് വിലക്കാനൊരുങ്ങി അമേരിക്ക. യുഎസ് സ്റ്റേറ്റ് സെക്രട്ടറി മൈക്ക് പോംപിയോ ആണ് ഇക്കാര്യം അറിയിച്ചത്. ഉപഭോക്താക്കളുടെ വിവരങ്ങള് ടിക്ടോക്ക് കൈകാര്യം ചെയ്യുന്നത് സംബന്ധിച്ച് അധികൃതര് ആശങ്ക അറിയിച്ചിരുന്നു. തുടർന്നാണ് ഇത്തരമൊരു ആലോചന വന്നത്. ഈ നിര്ദേശം പ്രസിഡന്റ് ഡോണള്ഡ് ട്രംപിന്റെ മുന്പില് എത്തിയിട്ടില്ല. എന്നാല് ഇക്കാര്യത്തെക്കുറിച്ച് ഗൗരവത്തോടെ ചിന്തിക്കുന്നുണ്ടെന്നും അദ്ദേഹം വ്യക്തമാക്കി.
നേരത്തെ ചൈനീസ് ആപ്പുകൾ നിരോധിച്ച ഇന്ത്യയുടെ തീരുമാനത്തെ മൈക്ക് പോംപിയോ സ്വാഗതം ചെയ്യുകയും ചെയ്തിരുന്നു. ഇന്ത്യയുടെ ഈ തീരുമാനം അമേരിക്ക പിന്തുടരണമെന്നും രാജ്യത്തെ പല കോണുകളിൽ നിന്നും അഭിപ്രായം ഉയർന്നിരുന്നു. ഇതിന് പിന്നാലെയാണ് പിന്നാലെയാണ് ചൈനീസ് ആപ്പുകൾക്കെതിരേ കടുത്ത നടപടിയിലേക്ക് അമേരിക്കൻ ഭരണകൂടവും നീങ്ങുന്നത്. ചൈനയുമായുള്ള ബന്ധം വഷളായ സാഹചര്യത്തിൽ ടിക് ടോക് ഉൾപ്പെടെയുള്ള 59 ആപ്പുകൾ ഇന്ത്യ നിരോധിച്ചിരുന്നു.
Post Your Comments