‘ഈ നാമം മൂന്ന് തവണ ജപിച്ചാല്‍ സഹസ്രനാമ ജപത്തിനു തുല്യം

ഹൈന്ദവ പുരാണത്തിലെ ഏറ്റവും പ്രധാനപ്പെട്ട മൂര്‍ത്തികളാണ് ശിവനും വിഷ്ണുവും. ദേവീദേവന്മാരെ ആരാധിക്കാനുള്ള പ്രധാനപ്പെട്ട മന്ത്രങ്ങളാണ് മൂലമന്ത്രങ്ങള്‍. പഞ്ചാക്ഷരീമന്ത്രമായ ‘ഓം നമ:ശിവായ’ ശ്രീപരമേശ്വരന്റെ മൂലമന്ത്രവും അഷ്ടാക്ഷരീമന്ത്രമായ ‘ഓം നമോ നാരായണായ ‘ ശ്രീ മഹാവിഷ്ണുവിന്റെ മൂലമന്ത്രവുമാണ്. ഈ രണ്ടു മന്ത്രത്തിലും ഏറ്റവും പ്രധാനപ്പെട്ട ഓരോ അക്ഷരമുണ്ട്. ഇതിനു ബീജാക്ഷരം എന്നു പറയും. നമ:ശ്ശിവായ മന്ത്രത്തില്‍ നിന്നും ബീജാക്ഷരമായ ‘മ’ മാറ്റിയാല്‍ ‘നശ്ശിവായ’ എന്നാകും , ‘നാശമാകട്ടെ’ എന്നാണതിന്റെ അര്‍ഥം. അതുപോലെ ‘ഓം നമോ നാരായണായ’ മന്ത്രത്തില്‍ നിന്നും ബീജാക്ഷരമായ ‘രാ’ എടുത്തുമാറ്റിയാല്‍ ‘ഓം നമോ നായണായ’ എന്നാകും, തനിക്കു മുന്നില്‍ ഒരു വഴിയുമില്ല എന്നാണതിന്റെ അര്‍ഥം.

ഓം നമോ നാരായണായ മന്ത്രത്തിന്റെ ബീജാക്ഷരമായ ‘രാ’ യും ‘ഓം നമഃശിവായ ‘ മന്ത്രത്തിന്റെ ബീജാക്ഷരമായ ‘മ ‘ യും യോജിപ്പിച്ചു ‘രാമ’ എന്ന പേരാണ് ദശരഥമഹാരാജാവിന്റെ മൂത്ത പുത്രന് വസിഷ്ഠ മഹര്‍ഷി നല്‍കിയത്. വൈഷ്ണവശക്തിയും ശൈവശക്തിയും ഒരുപോലെ നിറഞ്ഞുനില്‍ക്കുന്ന നാമമാണ് രാമനാമം .വിഷ്ണുസഹസ്രനാമത്തിനു തുല്യമാണിത്, താരകമന്ത്രം എന്നും അറിയപ്പെടുന്നു