പാലക്കാട് • വാളയാര് ഡാമിലെ ജലനിരപ്പ് 199.95 മീറ്ററായി ഉയര്ന്നു. ഡാമിന്റെ പരമാവധി സംഭരണശേഷി 203 മീറ്ററാണ്. മഴ തുടരുന്ന സാഹചര്യത്തില് ജലനിരപ്പ് 200.74 മീറ്ററായി ഉയര്ന്നാല് ഇന്ന് (ആഗസ്റ്റ് 8) ഡാം തുറക്കുമെന്ന് ജില്ലാ കലക്ടര് അറിയിച്ചു.
ജില്ലയില് മഴ തുടരുന്ന സാഹചര്യത്തില് നിലവില് മംഗലം, കാഞ്ഞിരപ്പുഴ ഡാമുകളാണ് തുറന്നിരിക്കുന്നത്. കാഞ്ഞിരപ്പുഴ ഡാമിന്റെ മൂന്ന് ഷട്ടറുകള് 120 സെന്റിമീറ്റര് തുറന്നിട്ടുണ്ട്. ഡാമിന്റെ പരമാവധി സംഭരണശേഷി 97.50 മീറ്ററാണ്. നിലവിലെ വെള്ളത്തിന്റെ അളവ് 94.17 മീറ്ററാണ്. 93.09 മീറ്ററിന് മേലെ ജലം ഉയര്ന്നതിനാലാണ് ഡാം തുറന്നത്.
മംഗലം ഡാമിലെ ആറ് ഷട്ടറുകളും 55 സെന്റിമീറ്റര് വരെയാണ് തുറന്നിട്ടുള്ളത്. ഡാമിന്റെ പരമാവധി സംഭരണശേഷി 77.88 മീറ്ററാണ്. മംഗലം ഡാമില് 77.14 മീറ്ററുമാണ് നിലവിലെ ജലനിരപ്പ്. 76.93 മീറ്ററിന് മേലെ ജലം ഉയര്ന്നതിനാലാണ് ഡാം തുറന്നത്.
മലമ്പുഴ ഡാം 109.13 മീറ്റര് (പരമാവധി ജലനിരപ്പ് 115.06), പോത്തുണ്ടി 100.61 മീറ്റര് (പരമാവധി ജലനിരപ്പ് 108.204), മീങ്കര 153.35 മീറ്റര്(പരമാവധി ജലനിരപ്പ് 156.36), ചുള്ളിയാര് 144.88 മീറ്റര്(പരമാവധി ജലനിരപ്പ് 154.08), വാളയാര് 199.95 മീറ്റര്(പരമാവധി ജലനിരപ്പ് 203) ,ശിരുവാണി 873.49 മീറ്റര്(പരമാവധി ജലനിരപ്പ് 878.5), എന്നിങ്ങനെയാണ് നിലവിലെ ജലനിരപ്പുകള്.
Post Your Comments