ചര്മ സൗന്ദര്യം നിലനിര്ത്താന് എളുപ്പത്തില് തയാറാക്കാനാവുന്ന ഫെയ്സ്പാക് പരിചയപ്പെടുത്തി ബോളിവുഡ് നടി ഭാഗ്യശ്രീ. താന് ദിവസവും ഉപയോഗിക്കുന്ന ഫെയ്സ്പാക്ക് എങ്ങനെയാണ് ഉണ്ടാക്കുന്നതെന്നും അതിന്റെ ഗുണങ്ങള് എന്തെല്ലാമാണെന്നുമാണ് ഭാഗ്യശ്രീ സമൂഹമാധ്യമത്തില് പങ്കുവച്ച വിഡിയോയിലൂടെ വ്യക്തമാക്കിയത്.
ഓട്സ്, പാല്, തേന് എന്നിവ ഉപയോഗിച്ചാണ് ഈ ഫെയ്സ്പാക് ഉണ്ടാക്കുന്നത്. അല്പം ഓട്സ് പൊടിച്ച് അതിലേക്ക് ഒരു സ്പൂണ് വീതം തേനും പാലും ഒഴിച്ച് മിക്സ് ചെയ്ത് പേസ്റ്റ് രൂപത്തിലാക്കണം. ഇത് മുഖത്തു പുരട്ടി ഉണങ്ങാന് അനുവദിക്കണം. കഴുകുന്നതിനു മുമ്പ് സ്ക്രബ് ചെയ്യുകയുമാവാം.
മുഖത്തിന് തിളക്കവും മിനുസവും ലഭിക്കാന് ഈ ഫെയ്സ്പാക് ഉപയോഗപ്രദമാണെന്ന് ഭാഗ്യശ്രീ അവകാശപ്പെടുന്നു. ഓട്സ് മുഖത്തെ മൃതകോശങ്ങളെ നീക്കം ചെയ്യും. പാലിന് ടോണറായി പ്രവര്ത്തിക്കാനുള്ള കഴിവുണ്ട്. തേന് ചര്മത്തിന്റെ ആര്ദ്രത നിലനിര്ത്തുകയും ചെയ്യുമെന്ന് താരം പറയുന്നു
Post Your Comments