ദില്ലി : ബോളിവുഡ് നടി കങ്കണ റണാവത്തും മഹാരാഷ്ട്ര സര്‍ക്കാരും തമ്മിലുള്ള നാടകീയ ഏറ്റുമുട്ടലിന്റെ ഏറ്റവും പുതിയ സംഭവവികാസത്തില്‍ കങ്കണ റണാവത്തിന്റെ ഓഫീസ് പൊളിച്ചുമാറ്റുന്നതിന് ഹൈക്കോടതി സ്റ്റേ അനുവദിച്ചു. പൊളിച്ചുമാറ്റുന്നതിന് സ്റ്റേ ഉത്തരവ് ആവശ്യപ്പെട്ട് വീഡിയോ കോണ്‍ഫറന്‍സിംഗിലൂടെയാണ് കങ്കണയുടെ അഭിഭാഷകന്‍ റിസ്വാന്‍ സിദ്ദിഖി ബോംബെ ഹൈക്കോടതിയില്‍ ഹാജരായത്.
കങ്കണ ചണ്ഡിഗഡില്‍ നിന്ന് മുംബൈയിലേക്ക് യാത്ര തിരിച്ചിട്ടുണ്ട്. തന്റെ ബംഗ്ലാവില്‍ അനധികൃത നിര്‍മാണം നടന്നെന്ന് കാണിച്ച് മുംബൈ മുനിസിപ്പല്‍ കോര്‍പ്പരേഷന്‍ നല്‍കിയ നോട്ടീസിനെ ചോദ്യം ചെയ്ത് കങ്കണ റണാവത്ത് ബുധനാഴ്ച ബോംബെ ഹൈക്കോടതിയെ സമീപിക്കുകയായിരുന്നു. അടിയന്തര വാദം കേള്‍ക്കണമെന്ന് ആവശ്യപ്പെട്ട് തങ്ങള്‍ ഇന്ന് രാവിലെ ഒരു നിവേദനം നല്‍കി. ഇടക്കാല ദുരിതാശ്വാസത്തിലൂടെ പൊളിച്ചുനീക്കല്‍ നടപടികള്‍ സ്റ്റേ ചെയ്യാന്‍ തങ്ങള്‍ ആവശ്യപ്പെട്ടിട്ടുണ്ടെന്ന് താരത്തിന്റെ അഭിഭാഷകന്‍ റിസ്വാന്‍ സിദ്ദിഖി പി.ടി.ഐയോട് പറഞ്ഞു.
രാവിലെ 11 ന് തൊട്ടുപിന്നാലെയാണ് പൊളിക്കാനുള്ള പ്രവര്‍ത്തനം ആരംഭിച്ചതെന്ന് ഉദ്യോഗസ്ഥര്‍ പറഞ്ഞു. കഴിഞ്ഞ ദിവസം ബിഎംസി തന്റെ ബംഗ്ലാവിന് പുറത്ത് രണ്ടാമത്തെ നോട്ടീസ് ഒട്ടിച്ചിരുന്നു. അനധികൃതമായി കെട്ടിടം നിര്‍മ്മിച്ച നടപടിയെക്കുറിച്ച് അറിയിച്ചിരുന്നു. 24 മണിക്കൂര്‍ സാവകാശം നല്‍കിയിട്ടും രേഖകള്‍ സമര്‍പ്പിക്കാത്തതിന് പിന്നാലെയാണ് കങ്കണയുടെ മുംബൈയിലെ ഓഫീസിനോട് ചേര്‍ന്നുള്ള അനധികൃത നിര്‍മ്മാണങ്ങള്‍ മുംബൈ കോര്‍പ്പറേഷന്‍ പൊളിച്ച് തുടങ്ങയത്.
Post Your Comments